蕭平治老師 台文冊櫥

阿里山眠月線鐵路舊相片回憶：   （感謝劉明財先生提供日本時代 寫身しゃしん ）   日本時代眠月驛。 17號機關車載原木去Chiáu-pêng（沼平）驛。 17號機關車nǹg磅空。 歇tiàm車庫內ê水煙機關車。 土場集材工人leh裝車。杉仔箍縛做伙ê はしら（集材柱）。 1931年火車載原木行過眠月線高架柴橋，是阿里山鐵路siāng-koân柴橋，超過20米。 Ùi車頂看超過20米深ê高架柴橋，是用高級siông-lô木材搭--起來。 過柴橋nǹg磅空ê火車。 17號機關車載原木nǹg出磅空口。 火車載工人上工。 機關車chúi-ho̍h水鶴食水。 水煙機關車添塗炭。 載原木過眠月線siōng-koân柴橋，20 米深。 用siāng-chánひのき/ベニヒ起造柴橋。 台灣扁柏、厚殼仔、松蘿、ひのき/hinoki/檜木。 紅檜Chamaecyparis formosensis 松蘿、薄皮、水古杉、Benihi、ベニヒ。  塔山。 台灣阿里山眠月石猿。 客車kap石猴達摩。 32號水煙機關車kap石猴達摩。 阿里山仙人洞。 仙人洞chúi-chhiâng。 阿里山達摩石。 石猴達摩。

1974年 眠月線、眠月下線集材記智：蕭輝虎記智kap相片  1974年阿里山眠月下線： ​ 20200415        ​ Lahjih  1974年 前後幾冬，大兄 tī 阿里山眠月下線 45 、 46 林班 hit-tah 做集材鉤柴作業，大兄是 ku-lí-thâu （工頭）， chhōa 一陣工人 tī chia 做機器工仔， kā 伐木工人剉斷kui山坪 ê 木材，用機器、人工集集做伙， thia̍p-chiūⁿ 阿里山火車載出去嘉義。 眠月下線是眠月線落崎大約千外公尺遠 ê 運柴支線，懸低落差將近 6-700 米，非常崎， ùi 眠月下線上山到石猴站 chit 段有 peh 山友挑戰 ê 好漢坡， 50 外冬前是青年大學生『溪阿縱走』上 ngē-táu 路站。眠月下線 tī 日本時代有鐵枝路，用 pōng-pōng-á 車載柴，日本人轉 -- 去了後，撬（ kiāu ）掉鐵枝路改換卡車路，用トラック / truck 載柴，大兄 tī chia 鉤柴時，已經無 pōng-pōng-á 車 mā 無卡車，是用汽油集材機（えんじん）、chhāi  はしら（集材柱）、an鋼索、鉤柴工具⋯，母機 chhāi-tiàm 眠月線石猴站鐵枝路邊。剉柴林班範圍闊莽莽，需要分做幾若站集材，上尾 chiah 鉤柴到石猴站鐵枝路邊，等待運柴火車來載。 聽大兄後生蕭輝虎講，林班伐木工人剉 ê 樹木，主要是柳杉 kap khêng 一寡松蘿原木樹頭。日人時代已經 kā chia ê  ひのき / 檜木剉了了，留落來 chiâⁿ 米懸 ê 樹頭 kap 無夠格柴頭柴尾， lóng 是高級木材，無提bô-chhái，siáⁿ-mih是水土保持，無人重視。原木剉了，日本人有種柳杉， chia-ê 柳杉林已經大欉有經濟利益，長度有夠長 --ê ē 使得做電火柱仔，若是樹頭有夠大，剉較貼底 --leh ， he 樹頭 hiàn-hiàn 真適合做棺木棺柴蓋，聽講外銷香港真搶市。 輝虎講， Hit-tang-chūn 做機器工仔，逐日眠月頂線下線來來去去，若 tī 鐵枝路邊做穡，中晝時時常 peh-chiūⁿ 石猴肩胛歇睏，若是落去下線做工，有時 ē 去眠月神木行行看看 --leh ，原來 hit 欉神木 mā...