蕭平治老師 台文冊櫥

守法 良心 無膽 註定 bē 大趁錢： 1965 年空軍飛虎 192 梯次虎尾結訓，幸運抽 tio̍h 好籤，直接分發到空軍基地病院報到，編入航醫室，經過 1 禮拜醫務士官訓練， chiâ ⁿ -ch ò醫務士，隨借調醫務室藥房做藥劑士調劑 kap-io̍h- á藥局生， n á學 n á問 n á看軍醫藥冊， si à u-si ūⁿ退伍開西藥房 th à n 大錢。 藥房藥品有夠 chē ，咱 tī 藥劑室看醫官處方簽 kap-io̍h- á，藥粉 tio̍h 用 thian-p ê ng 秤， chiah koh pun-phe ⁿ tī 包藥紙 包做 1 包 1 包藥包 khǹg-tiàm 藥袋仔內 hō͘ 患者。病院每日門診半工，下晡整理室內清潔、補充藥品， mā kā 司藥官 tàu 做工課， a̍h-sī 加減看藥冊了解藥性、路用。 藥劑室藥品有藥丸、藥粉、藥水、注射劑，退燒、解熱、止痛、消炎、抗過敏，治咳嗽、治 làu 屎、補營養、抗生素 ⋯ 應有盡有，成分藥上無 kui 百味， boeh 學 kah ka-nn̂g tio̍h chiám-jiân-á 用心 phah-piàⁿ 。日子 1 工 1 工過，咱 ná 來 ná 熟手 ná 來 ná 有心得， to̍h 利用放假轉 -- 去 機會，準備一寡感冒藥、落屎藥 chah 轉去 hō͘ 阿嫂做家庭備用便藥，聽阿嫂講真應效，後 -- 來 koh 買射筒 chah 營養注射劑肝精 kā 阿嫂注血筋，阿嫂 mā o-ló 講加真有精神，咱心內歡喜有 phah-sǹg ，退伍來開西藥房 tiāⁿ-tio̍h 趁大錢。 藥冊 ná 研究、拉丁字 ná 學，準備 boeh 參加藥劑生考試提開藥房 ê 牌照，可惜 ka-tī 無夠認真，考試結果 chiâⁿ 失望，分數一丈差九尺，有夠 iàn-khì 。自按呢 m̄ 敢 koh siàu 想開藥房趁大錢，猶是安分守己做烏枋杙仔做老師較正途，後 -- 來 kan-nā ka-tī 敢提藥家己服用， m̄ 敢 koh 好心提 hō͘ 別人食。 Sui-bóng 無牌 m̄ 敢開西藥房兼做密醫，總 -- 是 2 年 10 個月 ê 藥局經驗 mā 是增加真濟醫療醫藥智識， mā 提供老 -- 來病院來來去去看病參考。

  本島檨仔  Tēng-lî 檨仔青： 400 年前to̍h有ê 本島檨仔，有人講thó͘-soāiⁿ-á（土檨仔）。 本島檨仔細粒gâu生，猶未tēng-lî ē-tàng做soāiⁿ-á chheⁿ（檨仔青）chia̍h thit-thô，sng-bui-á sng-bui chiâⁿ好食，有人o-ló講有戀愛ê滋味。 本島檨仔若tēng-lî，伊ê種子外殼ē變tēng，jú sek jú tēng koh有絲，若黃了有夠分，檨仔肉變甜有特殊檨仔芳味，可惜絲siuⁿ-chē，無好勢食，需要kō͘ chhńg--ê á-sī suh汁。 檨仔phòa-khui，ē-tàng看清楚外皮、檨仔肉、檨仔子，jîn kah mo̍͘h（仁kah膜）。 檨仔tēng-lî，種子外殼ē變tēng koh生絲。 種子外殼內面有jîn kah mo̍͘h 。 Tēng-lî檨仔肉若削掉，內面ê種子殼tēng-khok-khok koh生絲。 Tēng-lî ê檨仔猶未夠分，食--起來 chhè-chhè小可酸lam，boeh 做檨仔青有較費氣。 Tēng-lî ê檨仔肉若kō͘嘴咬，to̍h-ē出現足濟絲kiap tī 檨仔子外殼。

〔國立台中教育大學51級畢業生50週年同學會報告文稿〕  玉山峰高 koân-koân khiā tī hia 護佑台灣勇敢向前行 濁水流長 滋養咱土地 Chhiâⁿ-iúⁿ囝孫跤踏實地注心定 台中師範 是教育搖籃 禮義廉恥教咱為人師表做肥底 三年栽培 教學重技藝 母校恩情親像濁水溪 半世紀前少年人，誠懇鬥陣有三冬，各地有緣來做伙，四落宿舍做眠夢； 大鼎飯佇灶跤煮，長條桌椅排碗箸，有魚有肉有菜甲，一聲開動食到飽。 四書五經讀古冊，史地書法西洋畫，教材教法心理學，無論文藝抑武藝； 彈琴唱歌二步七，體育游泳逐項會，家事勞作夯鋤頭，件件皆能學真濟。 未來是欲做老師，著愛認真來讀冊，老師台頂子曰說，學生台跤鄒走常；(周照雄) 王梨生佇樹仔頂，這個這個講袂停，乙班笑詼有夠濟，狡怪出名gâu讀冊。   想起53年前少年時代，咱ùi台中、彰化、南投、雲林各所在來到台中師範母校，充滿新奇kap向望，期待未來boeh做老師教囡仔讀冊，tī好奇、好玄中認真學習，tī chhit-thô、滾笑、「吃飯、睡覺」1工1工過，透早5點半「bē-tín-bē-tāng」tio̍h起床，暗時10點chiah去睏，3冬結緣，一世人黏做伙，到taⁿ已經半世紀。3年同窗兄弟感情，一旦離開分散各地只有暗相思，教冊3冬了後起變化，有人做兵有人大學深造，chit中間阮乙班同窗mā有一寡連絡，辦過幾期《窗友》刊物，連絡感情報導消息，tòa-tī近位兄弟to̍h騎鐵馬假日相chhōe；做兵退伍隨人娶某生囝，互相相chhōe自然減少，需要利用同窗會約時間地點聚會，到今年7--月已經辦過幾若擺，每擺聚會攏會發現有人高升、事業發展，hō͘人歡喜mā hō͘人欣羡。 Ē記得斯當時畢業惜別時，Iûⁿ Chiàu-lâm兄有講過：「咱chit-má出業做老師，10冬後一定ē有真大ê變化」，有影--neh，m̄-nā 10冬有變化，20冬、30冬變化koh-khah大，40冬是巔峰時期，阮乙班ê Iûⁿ  Chiàu-lâm已經做到高等法院庭長、Gô͘ Som-tiân做到法商學院院長，tī政界Ông Eng-sam做到台灣省諮議會議員、Lîm Chèng-gān做過鄉長，Si Kàu-hông是銀行家，Koa Sek-hok tī國稅局服務；猶有N̂g Ín-chì、Chng Hong-hiông...

  機緣          感恩         (  賴許 柔文教基 金 會成立 10  週 年紀念  ) ----2002/02/20 蕭 平治   1992 年是人生 觀 念大改 變 ê 1 年 ， 因為投入台 語 文字化 ê  研究 ， chiah  引   chhöa  對 養飼 大漢 ê  母地 ---- 台灣 ， 有 重 新 認識 ê  機會 ， 啥物是台灣文化根本 ， 啥物是台灣文化原汁 ， 啥物是母 語 ê  奶 芳， 台 語 文字 beh  按怎寫 ， 攏 ùi chit 1  年 開 始學習。 雖 然年歲已經 過 半百 ， 總是有 開 始 ， 就 bë  嫌傷慢 ， 10  年來 ˜  敢 p„n-töa°  ， 抱 著食 到 老 學到 老 ê  精神 ， 看冊、查字典 ， 四界 chhöe  先 覺 、交朋友 ， kap  庄 腳 人 開講， kap  老 歲仔人 phò-täu  ， 盡 量講 台灣 話， 目的攏是 beh  充實家己 ， chhöe  轉 來  3 siap  年前 ê  過 去 ， 1  方 面 學 記錄 台灣 語言 Hö-Ló  話 ê  方法 ， 1  方 面 寫出心內 ê  記 智。 10  年來 ， ùi  台 語聲韻開 始學 ， 兩年後 ， 接 觸著 台灣羅 馬 字 （ TOJ) ，聽鄭良 偉教授 講解 用羅 馬 字 kap  漢字合寫台灣 話（ 台 語 文 ） ê  方便 kap  可 能 性 ， 真緊就突破受漢字束縛 ê  鬱 卒 ， 從按呢羅漢 läm  寫台 語 文 ， 成做 記錄 家己母 語 ê  撇步。為 著 beh  大 量記錄 ...