阿里山懷舊影像之旅(三)第五站 竹崎驛
阿里山懷舊影像之旅(三) 第五站「 Tek-thâu-kiā 驛」: 北門發車經過彎橋站 kap 鹿麻產站,直接來到第五站 Tek-thâu-kiā 驛, to̍h 是 chit-má ê 竹崎驛。 竹崎 (Tek-kiā) 驛是大站,是登山線 28 噸車母和平地線 18 噸車母交接站,登山火車 ùi-chia 開始 peh 崎, tio̍h 換 28 噸火車母 chiah 有夠力 sak 車囝上山,而且機關車需要 tī chia 對頭前拖改換 ùi 後壁 sak , mā 需要 tī chia 食水添塗炭。因此,竹崎驛 m̄-nā 有七股線鐵枝路, mā 有三角線施設。 Tek-thâu-kiā 驛,枋仔厝、烏台貨車、原木。本 chiâⁿ 頭前拖 ê 機關車 tī chia 換來後壁 sak , ná 像倒退 lu ,真心適。 竹頭崎驛候車室 ê 公告,票價表、時間表 kap 提醒人客入山需要去嘉義警察局申請入山證。 Gû-tiâu-khe-kiô (牛稠溪橋), tī 竹崎驛上山方向約 300 m 所在,是阿里山鐵路真重要 ê 設施。 一 pang (班)小火車拖原木經過牛稠溪橋 boeh 去北門。 停 tī 竹頭崎驛 ê 31 號機關車。 珍貴竹造 ún-ku-kiô (隱痀橋),日本人講目鏡橋,起 tī 牛稠溪橋邊。