Lo̍h-thô͘時較準á-sī八字命較準：
Lo̍h-thô͘ 時較準 á-sī 八字命較準 ： Lahjih 出世 tī 太陽曆 1941 年 08 月 08 日暗時 8 點 kha-tau ；太陰曆閏 6 月 16 戌時，蛇年立秋，八字是辛巳 nî 丙申 goe̍h 戊子 ji̍t 戌時。 西曆 8 月 8 日是 lo̍h-thô͘ 時生日；農民曆閏 6 月 16 是傳統民俗生日。 根據下面農民曆閏 6 月 16 萬年曆 ê 記載，看 kah hoe-kô͘-kô͘ oh-ti̍t 了解太陽曆 kah 太陰曆是按怎對照配合。太陽曆是地球 se̍h 日頭 ê 曆法，四季節氣清楚有規律， têng-tâⁿ 無大， 4 年大約加 1 工；太陰曆是月球 se̍h 地球 ê 曆法， 5 年 2 閏， tn̄g-tio̍h 閏年需要加 1 個月，看月圓月缺知日子真方便，其他節氣 tio̍h 配合太陽曆做調整，學問真深 oh 了解真麻煩。 所以，相信命運 lo̍h-thô͘ 時， tio̍h 照太陽曆較準，相信八字命 to̍h 按傳統習俗，隨人決定。 Lahjih 生日照農民曆是閏 6 月 16 ，出世、 19 歲、 38 歲、 57 歲生日攏是 8 月 8 日 / 閏 6 月 16 ， 76 歲 8 月 8 日 / 閏 6 月 17 ，今年 2025 年 Lahjih 84 歲才離 76 歲 8 年， ná-ē koh tn̄g-tio̍h 8 月 8 日 / 閏 6 月 15 ，感覺 oh-ti̍t 了解， koh 後一擺 tn̄g-tio̍h 閏 6-- 月是 20360808/ 閏 6 月 17 。 下面是 Lahjih 生日， ùi 網路萬年曆 ê 記載 Download ， bóng 做參考： 出世： 19410808 農民曆閏 6 月 16 ，蛇年 0808 立秋，辛巳年丙申月戊子日。 19 歲： 19600808 農民曆閏 6 月 16 ，鼠年 0807 立秋，庚子年甲申月戊辰日。 38 歲： 19790808 農民曆閏 6 月 16 ，羊年 0808 立秋，己未年壬申月丁未日。 57 歲： 19980808 農民曆閏 6 月 16 ，虎年 0808 立秋，戊寅年庚申月丁亥日。 76 歲： 20170808 農民曆閏 6 月 17 ，雞年 0807 立秋，丁酉年戊申月丁卯日。 84...
