蕭平治老師 台文冊櫥

  阿里山懷舊影像之旅  第8站「 To ̍ k-li ̍ p-soa ⁿ 驛」： 獨立山 (To ̍ k-li ̍ p-soa ⁿ ) 驛離嘉義驛  27.4 Km 1956 年 ê 記智 ：「 Hit 暗 tòa 阿丁伯 in-tau ，大兄講鐵枝路到獨立山， to̍h 去 hō͘ 山勢擋 tiâu--leh ，停睏幾若冬，想無步數 thang 盤過獨立山，技師 hông thâi 頭轉去日本，有一工 kap 伊 ê 學生食飯，學生看見 khong-sûn 飯碗 khap-tī 桌頂，得著靈感（ idea ）， to̍h koh 轉來台灣，用 se̍h 圓箍仔 kap 挖磅孔 ê 方式進行施設鐵枝路，果然得著成功 ...... 」頭一擺聽大兄講古，不止仔 gâu 講， hō͘ 阮聽 kah 耳仔 phak-phak 無 nih 目。〈阿里山縣長〉 註： 根據網路資料，樟腦寮驛 kap 獨立山驛 lóng 是 1912 年 10 月 1 日設立啟用，竹頭崎驛 1910 年 10 月 1 日設立啟用。 後 -- 來 bat 坐小火車去阿里山幾若擺， 了解 ùi 樟腦寮驛出發，行過 Switchback 折返線隨時 nǹg  入第二號磅孔，出磅孔了後，感覺親像 tī 山頂 lōng-lōng-se̍h ，無 goā 久發現山腳有人家厝宅，斟酌看一下真，原來是 thâu-tú-á 歇睏 ê 樟腦寮驛。火車繼續 khin-lin-khong-long ， nǹg 過磅孔 koh leh lin-long-se̍h ， iū-koh 一擺看著樟腦寮驛 tī 山腳，已經 pìⁿ 較細，原來 阿里山森林鐵路 m̄ 是單純 kńg-lê-á-chn̄g 上獨立山，是 se̍h 來 se̍h 去親像「 8 」字型按呢 nǹg 過幾若個磅空 chiah 到 獨立 山。   獨立山驛，簡單日本式雙倒水枋仔厝。 Ē-tàng 看著獨立山第二 khong 第三 khang 鐵枝路。 Ē-tàng 看著 kńg-lê-á 型 ê 鐵枝路，第一 khong 第二 khong ē-tàng 看著樟腦寮驛，第三 khong 看 bē 著。 現此時ê樟腦寮驛。 現此時ê獨立山吊橋，下面ē-tàng看著磅空。

  阿里山懷舊影像之旅  第7站「 Chiuⁿ-ló-liâu 驛」： 樟腦寮驛離嘉義驛 23.3 Km 。 Chiuⁿ-ló-liâu （樟腦寮），樟腦 chiuⁿ-ló 、 Chiuⁿ-nó͘ 、 chiuⁿ-ló͘ 攏有人講。提煉樟腦油號做 kek-ló ， bē 使得講 kek-ló͘ ， kek-ló͘ 是激滷 / 激櫓，意思 bô-kâng 。 古早台灣是樟腦王國，樟腦樹滿山坪，古早樟腦寮 Chia 有 kek-ló （激樟腦） ê 寮仔，地名號做樟腦寮，後 -- 來車站 to̍h 號做 Chiuⁿ-ló-liâu 驛。 Chiuⁿ-ló-liâu 驛 boeh chiūⁿ 阿里山， nǹg 過第二號磅空 se̍h 3 khong to̍h 到獨立山， kui 路 lóng 是 peh 崎，所以 Chiuⁿ-ló-liâu 驛 ê 施設需要有食水 ê chúi-ho̍h （水鶴）水塔， kap  「 X 」型 Switchback （折返式路線 / 折返線） ê 鐵枝路。 「 X 」型 Switchback  分「 ╱ 」「  ╲ 」二股鐵路交叉，一股東西向 ē 使得嘉義、阿里山直行通行，有崎度；一股是驛頭 kap 相閃 bih 車路用，較平坦。上山車班需要分道倒吞入站，落山班車入站後，若 boeh koh 出發， mā-tio̍h 分道倒吞 chiah koh 向前起行， chiăⁿ 心適 ê Chiuⁿ-ló-liâu 驛。 1956 年頭一擺 tòe 大兄來阿里山楠仔仙溪 thit-thô ，火車坐來到樟腦寮，車母 peh kah phīⁿ-phēⁿ 吼喘無停，大兄講：「 Chit-má 開始 boeh se̍h 圓箍仔 peh 山， chim-chiok 看，等 --leh ē-tàng 看 tio̍h tú-chiah 行過 ê 鐵枝路 tī ē-kha ， tio̍h se̍h 3 liàn 圓箍仔 chiah ē 到獨立山， che 有故事，後日 chiah 講 hō͘ 你聽。」火車 ná se̍h ná khin-lin-khong-long khin-lin-khong-long ，無 goā 久車內有人喝聲：「看山腳，鐵枝路 tī hia 。」探頭看 māi ，有影 to-tio̍h ，鐵枝路 to̍h tī ē-kha--ne

  阿里山懷舊影像之旅  第6站「 Ba̍k-kia̍h-liâu 驛」： 木屐寮驛離嘉義驛 18.9 Km 。 竹崎驛 chiūⁿ 山經過牛稠溪橋，下一站 to̍h 是 Ba̍k-kia̍h-liâu 驛（木屐寮驛）。 Ba̍k-kia̍h-liâu ，古早漢字寫木履寮，後 -- 來改寫木屐寮 (Ba̍k-kia̍h-liâu) ，因為 chia 古早有 thâi 木屐 ê 草寮，古早地名 to̍h 號做木屐寮，是一個小驛頭，小火車罕得 tī chia 停睏。

 阿里山懷舊影像之旅  第5站「 Tek-thâu-kiā 驛」： 北門發車經過彎橋站 kap 鹿麻產站，直接來到第五站 Tek-thâu-kiā 驛， to̍h 是 chit-má ê 竹崎驛。 竹崎 (Tek-kiā) 驛是大站，是登山線 28 噸車母和平地線 18 噸車母交接站，登山火車 ùi-chia 開始 peh 崎， tio̍h 換 28 噸火車母 chiah 有夠力 sak 車囝上山，而且機關車需要 tī chia 對頭前拖改換 ùi 後壁 sak ， mā 需要 tī chia 食水添塗炭。因此，竹崎驛 m̄-nā 有七股線鐵枝路， mā 有三角線施設。 Tek-thâu-kiā 驛，枋仔厝、烏台貨車、原木。本 chiâⁿ 頭前拖 ê 機關車 tī chia 換來後壁 sak ， ná 像倒退 lu ，真心適。 竹頭崎驛候車室 ê 公告，票價表、時間表 kap 提醒人客入山需要去嘉義警察局申請入山證。 Gû-tiâu-khe-kiô （牛稠溪橋）， tī 竹崎驛上山方向約 300 m 所在，是阿里山鐵路真重要 ê 設施。 一 pang （班）小火車拖原木經過牛稠溪橋 boeh 去北門。 停 tī 竹頭崎驛 ê 31 號機關車。 珍貴竹造 ún-ku-kiô （隱痀橋），日本人講目鏡橋，起 tī 牛稠溪橋邊。

阿里山懷舊影像之旅  第2站「 Pak   -mn̂g 驛」： 北門驛離嘉義驛 1.6 Km ， ùi 嘉義驛頭前林森路行，需要 30 外分鐘路程，少年時代 bat 和大兄坐三輪車到附近。 北門驛是古早阿里山線貨運大站， chia 有修理工場、車庫、三角線鐵枝路，鐵枝路線路複雜，除了機關車、車箱、車囝調動，分道 Switch 特別 chē 。 北門驛是阿里山線貨物採買運送上重要 ê 驛頭，阿里山、畚箕湖、十字路、竹崎和其他小站 ê 生理人、在地人， lòng tio̍h 來嘉義 hak 貨採買， á-sī kā 山產運送來 chia 賣 hō͘ 嘉義生理人。 看相片 ē-tàng 了解，古早 ê 北門驛是 lŏa ka-ia̍h 鬧熱 --leh ，有人、有火車、有牛車、有鐵馬行踏， mā 有精牲， ná 像無 nâ 無 cha̍h 隨在人出入。 為著機關車 se̍h 頭換方向，站內有三角線軌道施設。三角線（三角線軌道）是鐵枝路路線一款型式，是三條鐵枝路交接所在設分道， hō͘ 火車向前、倒吞來改變火車路線、方向，達成火車機關車 se̍h 頭 ê 鐵枝路舖設。 嘉義發車到北門，北門鬧熱足心適，無 boeh 落車繼續行， koh 去 hit 站是彎橋。 北門驛正面，坦橫路應該是 chit-má ê 林森路。 北門驛內面， ùi 改札門入去驛頭內。 北門驛車庫 kap 13 號直立式汽缸機關車。 月台、 15 號機關車、客車 kap 電話柱，。 15 號機關車 kap 客車、電話柱，驛頭內面 koh 有鐵馬 kap 白色羊 meh-á （狗仔？）。 1963 年開始營運 ê  柴油車中興號，旅客 tit-boeh  上車。 北門驛頭內鐵枝路幾若線，調動火車、火車母徙位、 se̍h 頭，分道（ pun-tō ） chiâⁿ-chē ，看 bē 出三角線 ê 款式生做 siáⁿ 款。 驛夫仔指揮車輛調動，有 12 號機關車、客車車廂、載貨平板車。 He 火車母 chhèng 烏煙大 bong 。 戴帽、穿鞋、 phāiⁿ 冊揹仔（ bookbag ），應該是日本時代 ê 高校生。 火車母 tit chia 添 thô͘-thòaⁿ （煤炭）， koh 有載原木 ê 車囝， ē-sái 講是貨車停車場。 25 號機關車， tī chia 落 thô͘-thòaⁿ-sá