阿里山懷舊影像之旅 第15站 屏遮那驛：
阿里山懷舊影像之旅 第15站「屏遮那（ Hē-sian-á/Hè-sen-ná ）驛」： 缺相片 屏遮那（ Hē-sian-á/Hè-sen-ná ）驛離嘉義驛 60.5 Km 。 Hē-sian-á 驛，海拔 1711 m 。
發表文章
坐遊輪遊覽4暝5工： 2024.7.13-17 Lah-jih
坐遊輪遊覽 4 暝 5 工： 2024.7.13-17 Lah-jih 坐遊輪 thit-thô 親像 sòe 一間流動 ê 旅社，載你去 bô-kāng 國家地頭遊覽。船內包 tòa 、包食、包娛樂，到每一個海港， koh ē-tàng hō͘ 你落船遊覽在地景致， hām 坐飛機、坐火車、坐 ba·suh 完全無 sio-kāng ê thit-thô 方式。 Chit-pái 坐挪威郵輪奮進號去 Okinawa ê Ishigaki-jima （ 石垣島）、 Naha-shi （那霸）、 Miyako-jima （宮古島） 3 個港口， goán lóng-ú 落船租車去 thit-thô 。 奮進號郵輪長 268 m ，大約行 360 步，闊大約行 60 步，有 13 樓， ē-tàng tòa 2018 個旅客。 船頂親像移動科技先進 ê 小都市，有餐廳、自助餐，食物 phang-phài 隨在你揀；有娛樂戲園各種表演隨在人欣賞；有游泳池、跳舞、運動， mā 有藝術展覽和 poa̍h-kiáu 場所，隨人 kah 意隨人趣味， hō͘ 你大開眼界。 遊輪下晡出發透早入港，日 -- 時有 6-7 點鐘 ē-tàng 落船遊覽，叫計程車 á-sī 租車家己駛，若 boeh 家己駛需要有日本駕照， in ê 司機是坐 chiàⁿ-pêng ，車內有 chhōa-lō͘-ki 導航，真方便。 Goán 兩工家己駛車， 一工坐計程車參觀： 一 、 Ishigaki-jima （ 石垣島）：川平彎坐玻璃船， yaima 村看膨鼠猴。 二、 Naha-shi （那霸）：參觀首里城 kap 市街，首里城正殿當 leh 重建，真正大工事。中晝 chhōe 魚市場食海產， kan-nā 看 to̍h ta̍k-hāng kah 意，可惜腹肚 kan-nā chi̍t-kâi 。 三、Miyako-jima （宮古）：坐計程車參觀第一海墘白色沙灘，足幼 ê 白砂 kap 碧藍色海水，日頭 chiâⁿ 炎，景色有夠 súi-tang-tang ， chit 種色水號做「宮古藍」，是在地 ê hiau-pai 海坪。繼續 koh 去參觀宮古神社， chiah 趕轉來赴船 boeh 起錠。 坐遊輪 ê 一寡感想： 1 、 83 歲老人 ē-tàng