蕭平治老師 台文冊櫥

  阿里山懷舊影像之旅   第 14 站「十字路 (Si ̍ p-jī-lō ͘ ) 驛」： 十字路 (Si ̍ p-jī-lō ͘ ) 驛離嘉義驛 55.3 Km 。 Si ̍ p-jī-lō ͘ 驛，古早是來吉 kap 達邦出入買賣 ê 重要驛頭，古道和鐵道交插成十字路，在地 to̍h 叫十字路村。 Bē-kì-tit siáⁿ-mih 年閣，大兄 bat chhōa 我 ùi Si ̍ p-jī-lō ͘ 驛落崎去達邦辦 tāi-chì 。因為大兄長期 tòa-tī 阿里山，所以寄留 tī 吳鳳鄉雪峰村， su-tong-sî 吳鳳鄉鄉公所 tī 達邦（ Dapangu ）。可能 kāng hit 工轉來到 Si ̍ p-jī-lō ͘ 驛，看見 giâ 工 kō͘ 柴馬 ùi ē 山 giâ 柴爿起來十字路 pōng 重算工價，看 he giâ 工工人 giâ 到磅仔前，汗流 sám 滴，雙腳 khū-khū-tòng peh 上磅仔頂 ê 模樣，感覺加大兄 ê 集材 khang-khòe koh-khah ngē-táu 。散赤人趁食有夠 bô-siá-sì 。 柴馬：兩枝平長 y 字型樹椏 kah 一枝橫柴做畚擔 (pùn-taⁿ) ，頂面 khǹg 物， kō͘ 肩胛頭 giâ ，兩枝樹椏 tǹg tiàm 土腳 ē 使得歇睏。 Giâ 柴爿 ê 柴馬。 Tòa-tī 來吉 kap 達邦 ê 原住民。

  阿里山懷舊影像之旅   第 4 站「 Lo̍k-moâ-sán 鹿麻產驛」： 鹿麻產 (Lo̍k-moâ-sán) 驛離嘉義驛   10.84 Km ，海拔 82 m 。鹿麻產驛站內有 2 股鐵枝路。 1982 年無 koh 停站， 2019 年 chiah koh 恢復停站。

阿里山懷舊影像之旅   第 3 站「彎橋驛」： 彎橋驛 1986 年廢站 。  

頭社西拉雅太上老君阿立祖聯手舞鬥走                Lahjih 20140815 Thâu-siā Siraiya kong-kài Thài-siōng-ló-kun A-li̍p-chó͘ liân-chhiú-bú tàu-cháu 感謝劉明財先生提供日本時代頭社公廨祭神舊相片， hō͘ 咱 ē-tàng ùi 相片了解將近百年前  Siraiya kong-kài A-li̍p-chó͘ 文化。 頭社公廨現此時號做「太上龍頭忠義廟」，原本是台灣原住民平埔族西拉雅族（ Siraiya ） ê 公廨，位置 tī 台南縣大內鄉頭社（台南市大內區）。 頭社公廨服祀「太上老君」阿立祖，古早是草厝仔起， kan-nā 有三面壁，正門無壁堵， che 是傳統公廨造型。太陰曆 10 月 14 、 15 日舉行夜祭，刣豬倒羊，敬拜天公、 kā 「太上老君」阿立祖祝壽做生日。除了祭典拜拜儀式以外， mā 有鬥走比賽，跳聯手舞鬧熱滾滾歡喜 tang-tang 。 1 、公廨造型：三面壁起造，正門無壁堵，雙倒水厝蓋 khàm 草（稻草、蔗箬？）。公廨內面有祭壇和壺神。 2 、祭壇壺神阿立祖 ê 壺：公廨內面有祭壇和壺神，壺神是瓷仔抑是玻璃 ê 花瓶酒矸 kap 醃缸甕仔，內面貯水插蘆竹葉甘蔗葉，壁邊有竹梳縛烏布 kap 豬骨頭；祭壇前 khǹg 八仙桌，寫「太上老君」和「曾文郡大內庄頭社」。 Tn̄g-tio̍h 祭典時，八仙桌 ē 搬出公廨門口 khǹg 祭品， ná 像無點香燒紙錢。 3 、刣神豬烘神豬：祭拜 ê 神豬著先 chhiám 血 chiah kui 隻豬糊塗膏 chiah kō͘ 稻草烘 kah 熟，然後分開剁做幾若部份。 4 、尪姨：尪姨是女巫，負責祭拜儀式，尪姨（ shamaness ）穿白衫縛頭鬃尾戴頭飾， chng-thāⁿ 和一般婦女無仝。   5 、查某人穿插：參加祭拜查某人穿烏色長褲 kap 白色對襟仔抑是烏色大淘衫，縛烏色頭巾。 Tuì-khim-á （對襟仔），一種舊式衫褲 ê 款式。兩襟相對，而且胸前有一排布鈕仔。 Tōa-tô （大 祹） ， to̍h 是 tōa-ki （大裾），長衫胸坎 ê 裾鈕 tī 正爿。 6 、鮮花 pīⁿ ê 花箍。 7 、聯手舞（ liân-chhiú-bú ）：和 Kabuasua  ê 牽