阿里山懷舊影像之旅 第17站 第二分道驛：
阿里山懷舊影像之旅 第17站「第二分道（Tē-jī-pun-tō）驛」：
第二分道（Tē-jī-pun-tō）驛離嘉義驛64.5Km。Tē-jī-pun-tō驛，海拔1,887m。
Tē-jī-pun-tō驛，海拔1,887m。無設站。
相片顯示，火車boeh落山，車母tiàm頭前拖，經過分道Switch了後，車長落車pan Switch，chiah koh倒吞倒退lu換行下股線落山，火車母pìⁿ-chiâⁿ tī後壁sak。
阿爸ê鹿角薰吹：第一篇台文作品
阿爸 ê 鹿角薰吹： 1993/8 第一篇台文作品 （ 1993/8 年作品，mā是第一篇台文作品） （發表tī 1993 年 10 月台文通訊第 24 期 . 並選輯tī台語文學有聲叢刊內） 阿爸有一支鹿角做 ê 薰吹。 He 是阿兄 tòa-tī 阿里山 teh 做集材工仔 ê 時陣， ùi 山內 khioh 著一支鹿仔 lak-- 落來 ê 角所做 ê 薰吹 。 阿爸足愛 hit 支薰吹，不時 mā chah tiâu-tiâu ，一 -- 來 ē-tàng pok 薰，真好 gia ̍ h ， koh 真好 pok ；二 -- 來 mā ē-tàng kā 別人展講：「 Che 是阮後生 ùi 阿里山 gia ̍ h-- 轉來 ê ！」 Chit 時我 khiā tī 邊 --a 聽 -- 著，我 tō 知影，阿爸又 koh teh 展 in kiá ⁿ 真正有孝 --à ！「鹿角薰吹 --neh ！鹿仔角做 --ê ， lín 敢有？」 Lóng 已經過三十外冬 --a ， m̄-koh 到今，每一 pái 若看著鹿仔 ê 角， tō 會去想著阿爸 gia ̍ h ê hit 支薰吹 。 Ē 記得有一工，大概是下晡三、四點仔 ê 款，阿爸 beh pok 薰， chhōe 無 伊 ê 薰吹，到底 phah-m̄-kiàn 佗位去 --neh ? 厝內底四界 chhōe 透透， lóng chhōe 無。 「 He tō 奇 --lò ͘ ？敢 ē kh ǹ g-tiàm 牛肚福 --à in 兜 ？」 「 Jih--è ！你去福 --à in-hia chhōe 看覓 --leh ！ 看有 kh ǹ g tiàm in 桌頂 -- 無 ! 」 隨時兩步當做一步走，一目 nih ，走到福 --à in 兜： 「 Góan 阿爸 ê 薰吹有 kh ǹ g-tī chia-- 無？」 「 Chhōe 看覓 --leh ！振仔叔公 tú-chiah 有來 -- 過，無的確 kh ǹ g tī 灶頭 hia ！」 「無 --leh ！」 「 Ah 若無， koh chhōe 看有 tī 人客間仔 hia-- 無？」 「 Mā 無！」 「按呢，我 tō m̄ 知 --a ！」 Chhōe kah 規身軀汗， lóng chhōe 無，只好走
留言
張貼留言