蕭平治老師 台文冊櫥

撚骰十八骰：         20241012 Lahjih Tâu-á （骰仔）： Poa̍h-kiáu kang-kū            20241012 Lahjih Tâu-á 有二款，一款 si̍p-pat-tâu-á （十八骰仔），一款 lián-tâu-á （撚骰仔）。 Si̍p-pat-tâu-á 是 li̍p-hong-thé （立方體） 6 面； lián-tâu-á 是 la̍k-kak-thiāu （六角柱） 8 面，中心 chhng 一枝 ē 使得 kō͘ nn̄g-cháiⁿ 指頭仔 lián hō͘ tńg ê kha 。 Si̍p-pat-tâu-á 、 lián-tâu-á lóng 是 poa̍h-kiáu ê 工具。 下面紹介三款阮崁頂庄 poa̍h-kiáu 方式： 一、 Lián-tâu ： lián-tâu 是 kiáu ê 名， lián-tâu-á 是工具名。 Lián-tâu-á 一粒、平底盤仔一塊、骰仔碗一塊，土腳 chhu 一張大張牛皮紙，頂面畫六格寫一、二、三、四、五、六。 內場 tiàm 盤仔 lián 撚骰仔，然後 kō͘  碗 khàm tiâu ，外場 kiáu-kha 開始 hē-tù （下注），若無人 koh teh-tù ，內場 to̍h 喝「掀」，然後 teh 無 tio̍h--ê 「咬」，有 tio̍h--ê 「賠」。 Teh 心： Kā 錢 khǹg tī 格仔內， 1 賠 4 。 Teh 岸： Kā 錢 teh tī 兩格中間 sûn 頂， 1 賠 2 。 扛： kā 錢 khǹg tī  一、二、三；二、三、四；三、四、五；四、五、六頂面， 1 賠 1 。 Poa̍h lián-tâu ，內場 phiⁿ 6 分之 1 。假設每點 teh 心 lóng teh 1 kho͘ ，內場 ē-tàng 咬 5 kho͘  賠 4 kho͘ ，穩趁 1 kho͘ 。 Chit 種無公平 ê poa̍h-kiáu ， ná-ē 足濟人 ài poa̍h ，實在想 bē-hiáu 。而且 lián-tâu-á ē-tàng 做手 poa̍h pháiⁿ-kiáu ，有人 lián-tâu-á 內面灌鉛 pìⁿ 鉛骰（ iân-tâu ），有人掛電仔 kō͘ khip-chio̍h 控制 l

阿里山懷舊影像之旅   第 21 站「沼平（ Chiáu-pêng ）驛」：二、 Lahjih （蕭平治） ê 腳跡篇 沼平（ Chiáu-pêng ）驛離嘉義驛 72.7Km 。海拔 2,274m。是阿里山線終點站。 大兄蕭顏淵， 1940 年 18 歲， tòe 阿媽外家井仔頭（赤水） Pâng-á 伯（阿里山耆老陳清祥先生老爸）來阿里山做集材工仔。 1956 年歇熱，大兄轉來 Chhân-tiŏng chhōa 讀國校一年級蕭輝虎、讀初中蕭平治 kap 妹婿陳瀧去楠仔仙溪 thit-thô 。 Hit-chūn 大兄 tī 楠仔仙溪工作站 8 號機做 ku-lí-thâu （工頭），組頭是 A-teng 伯（陳萬忠， mā 是井仔頭人），另外有陳清廷組頭 ê 9 號機（ Pâng-á 伯後生）。 Hit-tang-chūn 嘉義 boeh 去阿里山，小火車 2 日 chiah 有 1 pang 車（ chi̍t-chōa ），行 siang-khia 日，奇日上山，雙日落山。阮前一工 tī 嘉義玉山旅社販仔間隔暝， hit 暝組頭 A-teng 伯請阮酒家食飯，頭擺聽著白醋蝦料理。 隔轉工 tī 嘉義驛坐阿里山線到阿里山， hit 暗 tòa A-teng 伯 in-tau ，隔轉工 chiah ùi 阿里山到東埔到楠仔仙溪。 Chit chōa 阿里山 thit-thô ， tī 〈阿里山縣長〉有精彩 ê 紹介。（ https://chhantionglang.blogspot.com/2012/11/19580800-20111109lah-jih.html ） 1959 年師範學校休學，大兄 chhōa 我來楠仔仙溪靜養身體，是第二擺來到阿里山，大兄 bat chhōa 我四界行踏，驛頭前櫻山旅社陳 bûn-lí 兄 in 店頭，阿田伯（蕭順恒 ê 丈人劉田組頭） in-tau ⋯ ， mā 有去姊妹池、神木、香林國小 ⋯se̍h 一大 liàn ，算是對阿里山有 khah 熟似。 1970 年結婚後 1 禮拜初五隔開，大兄 chhōa 阮翁某來阿里山 thit-thô 一禮拜， hit-chūn 大兄 ê 集材工作 tī 二號橋附近，工寮 mā tī 二號橋附近，大兄大嫂四兄雖罔無閒， mā chhōe làng 縫 chhōa 阮四界行踏欣賞， ch

阿里山懷舊影像之旅   第 21 站「沼平（ Chiáu-pêng ）驛」：一、沼平舊寫真篇 沼平（ Chiáu-pêng ）驛離嘉義驛 72.7Km 。海拔 2,274m 。是阿里山線終點站。 Chuchumuana Zhaoping Station Jhaoping （ 2003-2009 ） Chaoping （？ -2003 ） 啟用日期： 1914 年 3 月 14 日 終戰後 ê 阿里山車站。驛頭是紅毛土コンクリ -- ト /konkuriito/ 控固力、混凝土起，車頭前 ê 店頭猶是枋仔厝徛家。 Chit 欉はしら（集材柱）是釘根原木，頂面有望高瞭 (bāng-ko-liâu) ，已經超過百年久（ 1927 ）。 1927 年阿里山驛 kap 沼平徛家（ khiā-ke chū-lo̍h ）， ē-tàng 看著大塔山。 阿里山 Chiáu-pêng （沼平），海拔 2,274 m 。 Chiáu-pêng （沼平）驛， lóng 是枋仔厝起，車庫頭前有幾若股鐵枝路，載原木 ê 車囝， 車庫 chiàⁿ-pêng 17 號機關車 hit 股鐵路是眠月線。 21 號機關車 tī 車庫前 chúi-ho̍h （水鶴） leh 食水。 臺灣省林務局玉山林區管理處阿里山機車庫。（戰後） 車庫內面， ē-tàng 停 2 台機關車。 展示 tī 沼平驛 ê 水煙集材機。 こだま支線未開通進前 ê 新高山登山口， tī 沼平驛鐵枝路邊。（ 1927 ） 消失去 ê M.T. Ari Hanpofuku （ 1927 ） 「阿里山」是地頭名， m̄ 是山 ê 名字，目前阿里山森林遊覽區範圍，古早號做飯包服山，飯包服山古早有二個庄頭，沼之平 kap 飯包服。「飯包服」原來 tī  chit-má  香林服務區附近，有可能是古早香林小學 ê 位置。 根據阿里山人的記憶故事（一）記載：飯包服（今香林服務區鄰近） https://chiayi.forest.gov.tw/0000643 阿里山小學校  = M. T. Ari primary school. （ 1927 寫真） 小學校出大教授。 影響我最大的小學老師    翁達瑞  /  美國大學教授： 進入博士班後，我曾看過一份調查，對象是美國社會的精英，主題是對他們一生影響最大的人。最常被提到的是不同階段的老師。