蕭平治老師 台文冊櫥

 後山集材現場寫真： 叔伯兄哥蕭順恒、蕭順孝、蕭順道三兄弟，早期tī阿里山林場做集材，後--來離開阿里山林場換去後山台東—卑南Pi-lâm、花蓮--洄瀾Huê-liân山場做集材kang-khòe，根據順道兄手摺簿記載： 1962阿里山、1963台東 阿里壟(A-lí-lóng)(台東縣關山)、1968太麻里(Thài-mâ-lí)1970公埔(Kong-po͘)(花蓮縣富里)1972萬里橋(Bān-lí-kiô)(花蓮縣萬榮)、1974海端(Hái-toan)、1976璞石閣(Phok-se̍k-koh/Phoh-se̍h-koh)(花蓮縣玉里)、1978馬大安(Má-tāi-an/Ma-tá-án)(花蓮縣光復)、1979卑南(Pi-lâm)(台東)。 下面珍貴相片是四健會到集材現場參觀，集材工人特別表演特技hō͘ in開眼界，chit種現場作業kah阿里山集材作業sio-kāng，ē-tàng補充《阿里山懷舊影像之旅》ê不足。

日本時代阿里山林場伐木作業舊寫真： （感謝 劉明財先生提供相片）  Lahjih 阿里山林場éng-kòe集材作業，需要集材機kā滿山坪ê木材收集到鐵枝路邊、流籠頭、土場，chiah用火車、とらっく 運送 ，che是集材作業。 集材作業進前是伐木作業，日本時代伐木組剉柴全部chhiàⁿ人工kō͘剉柴家私進行。 伐木工人剉柴家私有：直切鋸「縱開鋸」、 大phòa鋸「橫斷鋸」、剉柴斧頭「伐木斧」、 剉柴鑽「伐木鑽」、柴櫼「 木楔」。 直切鋸配合斧頭kap  chhò-chhâ-chǹg 、chhâ-chiⁿ kā樹身剉斷，然後chiah koh用 直切鋸kā樹箍鋸做1節1節，適合運搬長度，若是過頭大箍ê樹箍，tio̍h-koh用大phòa鋸鋸做2 pêng。 剉樹仔進前tio̍h先觀察山勢，樹欉生做，箍圍仔環境，判斷樹身倒落土腳方向，mā tio̍h顧慮人身安全，樹身傷害。 根據地形kah樹頭生長狀況，決定樹身倒落方向，落鋸位置需要離地30公分，若是地勢siuⁿ崎，需要搭架方便施工。 Tī倒樹方向，kō͘斧頭chām一個三角形ê灌管嘴，chiah koh tī灌管嘴後壁hit-pêng樹身khah-koân所在，chām 一個較細ê灌管嘴，方便 直切鋸lo̍h鋸。 He原木m̄-nā koân-tōa，mā足大箍，需要大枝 直切鋸配合 剉柴鑽「伐木鑽」、柴櫼「 木楔」進行。 樹身過大時，先用手工kā螺絲鑽lak 2-3個孔，chiah koh用細支尖嘴鋸仔鋸hō͘大孔，然後chiah換大枝 直切鋸ûn-ûn-á鋸，聽候樹身tit-boeh剉斷，需要大聲喝三聲「樹仔tit-boeh倒落--lò͘」叫 附近ê工人緊閃避。 Kō͘大phòa鋸tit-boeh ka鋸做2 塊柴爿。進行中需要seh柴chiⁿ。 伐木工剉柴師傅。 Kō͘斧頭chām灌管嘴（koàn-kóng -chhùi）。 準備剉樹，代先用鋸仔、斧頭chām koàn-kóng-chhùi。 Ná-chhiūⁿ kō͘墨斗khan-chîn，準備phòa-pêng。 集材工á-sī伐木工tī水煙集材機頭前翕相，集材機火鼎。 Boeh phòa-pêng進前，先用墨斗繩線畫sûn做記號。 山勢siuⁿ崎，先搭柴架，方便剉柴。 滿山坪siông-lô（松蘿）原木，紅檜Chamaecy...

  本島檨仔  Tēng-lî 檨仔青： 400 年前to̍h有ê 本島檨仔，有人講thó͘-soāiⁿ-á（土檨仔）。 本島檨仔細粒gâu生，猶未tēng-lî ē-tàng做soāiⁿ-á chheⁿ（檨仔青）chia̍h thit-thô，sng-bui-á sng-bui chiâⁿ好食，有人o-ló講有戀愛ê滋味。 本島檨仔若tēng-lî，伊ê種子外殼ē變tēng，jú sek jú tēng koh有絲，若黃了有夠分，檨仔肉變甜有特殊檨仔芳味，可惜絲siuⁿ-chē，無好勢食，需要kō͘ chhńg--ê á-sī suh汁。 檨仔phòa-khui，ē-tàng看清楚外皮、檨仔肉、檨仔子，jîn kah mo̍͘h（仁kah膜）。 檨仔tēng-lî，種子外殼ē變tēng koh生絲。 種子外殼內面有jîn kah mo̍͘h 。 Tēng-lî檨仔肉若削掉，內面ê種子殼tēng-khok-khok koh生絲。 Tēng-lî ê檨仔猶未夠分，食--起來 chhè-chhè小可酸lam，boeh 做檨仔青有較費氣。 Tēng-lî ê檨仔肉若kō͘嘴咬，to̍h-ē出現足濟絲kiap tī 檨仔子外殼。

 阿里山林場鐵路水煙機關車展覽： Lahjih（蕭平治）1966年tī多林(To-lô-ian/To-lîm/To-nâ)驛kah 24號機關車合影。 Lima Locomotive Works（利馬機車廠）Shaylocomotive（謝伊式蒸汽機車） 屬直立式汽缸扇形齒輪（Ti̍t-li̍p-sek khì-kng, khôe-sìⁿ-hêng ギヤGear） ▲下面展覽阿里山水煙火車母20台相片： 相片：劉明財先生收藏 Lahjih 文字說明：參考阿里山林業鐵路蒸汽機車 維基媒體列表條目 1911/SL-11/18噸謝伊式2汽缸：1912年5月31日事故跋落坑谷消失。 1910/SL-12/18噸謝伊式2汽缸：靜態展示tī阿里山車站。 1910/SL-13/18噸謝伊式2汽缸：靜態展示tī嘉義車庫園區。 1912/SL-14/18噸謝伊式2汽缸：1972年贈送普芬比利鐵路。 1912/SL-15/18噸謝伊式2汽缸：1993年北門機廠火燒厝燒去，報廢。 1913/SL-16/18噸謝伊式2汽缸：靜態展示tī池南國家森林遊樂區。 1913/SL-17/18噸謝伊式2汽缸： Khǹg tī北門修理工廠，停用等待修理。 1913/SL-18/18噸謝伊式2汽缸：靜態展示tī奮起湖車庫。 ▲19號？（1913/SL-19/18噸謝伊式2汽缸：不明。原來tī香港。） ▲20號？ 1912/SL-21/28噸謝伊式3汽缸：動態保存tī阿里山森林鐵路車庫園區。2022年修護完成。 1913/SL-22/28噸謝伊式3汽缸：靜態展示 tī集集車站邊a。 1913/SL-23/28噸謝伊式3汽缸：靜態展示tī嘉義車庫園區。 1914/SL-24/28噸謝伊式3汽缸：靜態展示tīChiáu-pêng（沼平）車站。 1914/SL-25/28噸謝伊式3汽缸： 靜態展示tī嘉義車庫園區。 1914/SL-26/28噸謝伊式3汽缸： 靜態展示tī嘉義車庫園區。 1914/SL-27/28噸謝伊式3汽缸：報廢解體。1948失事poa̍h-lo̍h坑崁。 1914/SL-28/28噸謝伊式3汽缸： 靜態展示tī嘉義車庫園區。 1915/SL-29/28噸謝伊式3汽缸： 靜態展示tī奮起湖(Pùn-ki-ô)車庫。 1913/SL-30/28噸謝伊式3汽缸：可能是1914年2月11日...