機緣 感恩------賴許柔文教基金會成立10 週年紀念
機緣 感恩 ( 賴許柔文教基金會成立10 週年紀念 )----2002/02/20蕭平治
1992年是人生觀念大改變ê 1年，因為投入台語文字化ê 研究，chiah 引 chhöa 對養飼大漢ê 母地----台灣，有重新認識ê 機會，啥物是台灣文化根本，啥物是台灣文化原汁，啥物是母語ê 奶芳，台語文字beh 按怎寫，攏ùi chit 1 年開始學習。雖然年歲已經過半百，總是有開始，就bë 嫌傷慢，10 年來˜ 敢p„n-töa° ，抱著食到老學到老ê 精神，看冊、查字典，四界chhöe 先覺、交朋友，kap 庄腳人開講，kap 老歲仔人phò-täu ，盡量講台灣話，目的攏是beh 充實家己，chhöe 轉來 3 siap 年前ê 過去，1 方面學記錄台灣語言Hö-Ló 話ê 方法，1 方面寫出心內ê 記智。
10 年來，ùi 台語聲韻開始學，兩年後，接觸著台灣羅馬字（TOJ)，聽鄭良偉教授講解用羅馬字kap 漢字合寫台灣話（台語文）ê 方便kap 可能性，真緊就突破受漢字束縛ê 鬱卒，從按呢羅漢läm 寫台語文，成做記錄家己母語ê 撇步。為著beh 大量記錄書寫，知影已經有人開發台語文書輸入法，就閣用心學電腦，siàu 想beh 用台灣羅馬字輸入台文，經過無外久ê 練習就學會曉，有影方便好用to-tiõh ，台語思考，a b c 拍字，凡是你台語講會出嘴，一定bë h³ 你漏氣，beh 漢字beh 台灣字（TOJ 台灣羅馬字），免受束縛，據在你選，據在你用，方便bë 搪突。
1996 年，接受呂興昌教授牽教，認真寫台文，「台灣俗語鹹酸甜」1 chhiám 1 chhiám 上市（上台灣文學工作室網站 http://ws.twl.ncku.edu.tw/ ），斯當時ê 台文作品是小眾刊物，閣t„ 網路頂發表，有偌濟人參觀，癮痀- -ê 落崎，家己「知知」- -咧，用家己ê ch¡g 頭仔算就傷有chhun - -a 。辛苦扑拼作穡ê 成品無人欣賞，鬱卒濟少攏會，不過t„ 呂教授鼓勵提示之下：「無人beh 做ê 物件，咱kä khioh 來做」，「因為少人做，所以咱著較拚勢做」，˜-chiah 一直˜ 敢嫌倦，˜ 敢kh¢g-t„ 心內鬱卒。
1998 年，為著beh 討 1 本「赤腳年代」ê 冊，賴許柔文教基金會ê 董事長賴憲平先生，親身送冊來到厝裡，素不識面，按呢勞煩，實在chiâ° 歹勢 。賴董事長講：「會成立chit-ê 基金會ê 原因，是beh 報答老母chhiâ° 養恩情，阮老母今年beh 80歲，身體康健，生活簡單，無重食無重穿，做人仁慈kap 人無爭，bë 看重世俗富貴財利享受，˜-chiah 母仔囝參詳成立chit-ê 基金會。」
「按呢勞煩董事長親身送冊，實在chiâ° 多謝，董事長真正是有疼心ê 人，擴大孝心到對鄉土ê 關懷，實在h³ 人感心。」
「關心鄉土，關心土地，關心家己文化，是天公地道ê 本性，台灣人關心台灣代誌，無分你我，無分族群，總是關心ê 角度，關心ê 情感濟少有差別，有人關心食穿問題，有人關心建設，有人看重經濟，有人想beh 提高生活品質，有人保守，有人想beh 改革，想法萬百款，目標kan-nä 一個：攏是向望台灣會較進步，希望台灣人會較好過。可是關心台灣文化ê人有較欠缺，食穿tòa 行富足了後，是˜ 是著閣關心做人ê 氣質kap 土地認同問題，beh 有氣質做人，beh 認同chit 塊土地，了解家己文化是重要課題，beh 了解文化著教育。會凍替本地作家出冊，是基金會重要計畫，chit 本赤腳年代是賴宗寶校長ê 著作，蕭老師beh-t…h° ，可見蕭老師對家己文化嘛是真正關心，當然著親身來拜訪。蕭老師除了教冊以外，猶leh 做啥物工課？」
因為董事長leh 問，chiah 拍開電腦，展示台灣俗語鹹酸甜ê 作品，董事長看無台語文，就唸2.3 chháim h³ 伊聽…
「按呢ê 文章猶閣˜-bat 聽過，kài 有台灣味to-tiõh ，台文書寫，台語發音，kài-sêng kap 厝邊頭尾ê 兄弟叔孫講話，聽序大人教示講道理，有感情會貼心h³ 人聽會入耳，親切爽快，蕭老師，chiah-ê 文章h³ 阮基金會kä 你出冊好無？」就按呢，頭 1 擺見面，看無台文ê 賴董事長，就答應beh 出chit 款冊，隔轉年1999年5月，『台灣俗語鹹酸甜第一冊』正式出版，2000 年閣出第二冊，2001 年出第三冊kap 提供老師參考ê 『歡歡喜喜教台語』。
當初時行上研究台語文是為著趣味，無疑誤愈潦愈深，煞chiâ° 做是一種責任，因為了解家己頇慢，所以kan-nä 想beh tòe 人腳步行，加減出一寡氣力tàu-sak ，並無出冊ê 扑算，啥知因為機緣，chiah 有chit 四本冊出版。機緣機緣，機緣˜ 是奇緣，機緣是因為事前有準備，chiah 會t¤g 著機會成熟結了因緣，賴董事長因為感受老母chhiâ° 養ê 苦心，幫伊老母擴大母愛為關心鄉土ê 大愛，用有孝序大ê 心，奉獻社會，關懷台灣；Siau,Lah-jih 家己嘛是為著挽救母語，chiah 投入台語文ê 寫作，che 攏是對台灣母地ê 關懷，因為關心土地ê 善緣，chiah 會凍得著基金會ê 助緣，將粒積t„ 電腦內底ê 作品，印出來kap 社會鄉親見面，達成所向望推廣台語文ê 目標，兩條關心台灣文化ê 平行線，因為有共同ê 理念目標，透過善緣來結合，實在h³ 人滿心歡喜。
賴許柔文教基金會成立到ta° ，已經10 冬，10 冬ê 成績，10 冬ê 奉獻，咱攏看會出來，賴董事長是kä 基金會看做1 ê 志業來經營，「養生，增慧，培德」是基金會ê 宗旨，除了t„ 咱田中有會館leh 運作以外，舊年閣t„ 全國首府台北市開1 間會館做道場，提供文化、心靈、宗教、哲學、養生各種研習、講座，台語羅馬字研習班嘛t„ 2001 年熱- -人開始，連續開2 ê 梯次，幫忙政府培訓母語師資，提供h³ 中小學老師kap 社區文化工作者研究機會，得著來學習老師ê 肯定，t„ 研習結束，嘛得著學員一寡回報，收集十幾篇台文作品，順紲kh¢g-tiàm 本集h³ 逐家欣賞。
留言
張貼留言