蕭平治老師 台文冊櫥

  ▲ 戇膽家己一人坐 lūi-á 過坑溝： 1956 、 1959 tòe 大兄來楠仔仙溪，除了坐火車坐貨車以外，東埔線、楠仔仙溪林道 pō͘-lián 行過幾若 pái ，記智上深有 2 pái ，值得紹介： 有一擺 tòe 工人 ùi 楠仔仙溪工寮行路到頂東埔般物件， koh-chài 坐 lūi-á 過坑溝， chiah koh 行旱路仔 cháⁿ 林道，沿路台灣百合 Lilium formosanum 當開，看 he 卡車路彎彎斡斡， chiah 發覺 he 轉彎踅角 ê 石頭仔路有夠驚險。回程時，工人 ta̍k-ê 肩頭 giâ 物件， Lah-jih 是 tòe-sōng 空手行， to̍h chìⁿ 頭前先行，看見白木林，經過鐵杉林，轉來到登山口 あんぶー （ soaⁿ-o 鞍部）， sòa-- 落去 ê 林道 lóng 是落崎， kāng-khoán cháⁿ 旱路仔， Lah-jih 半行半 chhū ，轉來到工作站等無人，想講橫直山路 kan-nā 1 條，免驚迷路， kui-khì 戇膽 chhân-chhân 繼續行，行來到楠仔仙溪坑溝仔邊， taⁿ 害 --ā ， boeh 按怎過溪？家己 1 人是 boeh 按怎坐 lūi-á ？ sìm 一時仔， to̍h 出手 kā lūi-á giú 來到面頭前，倒腳 tăⁿ gia̍h 起， lūi-á soah lŭ-- 一下 lū 到溪仔中央， chhoah-chi̍t-tiô ， m̄-sìn-siàⁿ koh giú ， giú 來面頭前， chit 擺腳馬 soah 在、索仔 khiú hō͘ tiâu ，可能無勢面， lūi-á 又閣 lŭ-- 一下 lū 到溪仔中央，無伊法只好 koh giú 一擺， khi̍p ho͘ ân ，倒腳踏入、正腳 toè leh peh-- 起 lih ， to  猶未想 boeh 放， lūi-á siŭ-- 一下吊籃 hām 人隨時 lū-- 落去， m̄ 是小可仔 ê 恐怖，想講 chit 聲穩當無 ⋯ ， tēng-sim-sîn 一下看， iáu-siū ， chheⁿ-lin-lin 溪仔水 heh-heh-kiò tī 目睭前 leh 滾絞，有夠恐怖， sìm 一時仔， Lah-jih 開始 giú 索仔，出力 g...

 1974楠仔仙溪集材影像： 原來楠仔仙溪とらっく載原木上 ka-ia̍h 是 tī 1958~1962 年間，楠仔仙溪 1963 年結束直營伐木， 1967 年 11 月 1 日起開放實施民營標售（阿里山永遠的檜木霧林原鄉：陳玉峰陳月霞）。 1965 年 kap 1975 年，江山木行陳山龍標著 13 林班 21 林班和 46 林班， chhiàⁿ 大兄發落集材工作， kō͘ 汽油集材機 kap 平面流籠集材運送， chiah koh kō͘ 流籠放落到山腳土場， chiah koh とらっく卡車載到東埔土場裝小火車出嘉義。 Hit-chūn 大兄後生蕭輝虎 tī 現場幫忙老爸 tàu 發落，有翕一寡現場相片， tú 好補充 1956 、 1959 Lah-jih 去 2 pái 楠仔仙溪無相片 ê 不足。 汽油集材機

  1959 年第二擺來楠仔仙溪靜養、做工： 1959 年師範學校休學，大兄 chhōa 我來楠仔仙溪靜養身體，是第二擺來到阿里山。 初中出業考 tiâu 師範， m̄-koh 命運 chhòng-tī 人， Lah-jih tì-tio̍h TB （ Kekkaku 肺癆）休學半冬。 1959 咱人過年後，大兄 chhōa Lah-jih 來楠仔仙溪靜養，講內山涼冷空氣較好，對身體有好無 bái 。 Chit-pái 算是舊地重遊（ têng-iû ），雖罔鬱卒，總 -- 是看著沿路面熟面熟景緻，好奇歡喜心情 tī khi-khi-khok-khok 火車聲中，已經來到阿里山， kāng-khoán tòa A-teng 伯 in-tau ，大兄 kāng-khoán chhōa leh 四界 chhōe 朋友開講，隔轉工坐東埔線到土場， chiah koh 坐載柴貨物仔車到楠仔仙溪土場。集材作業 hām 工寮 to̍h tī 山頂尾溜，需要 peh 2 點鐘彎彎斡斡細條山路， tī 土場看人坐流籠直接上山，看 kah 腳尾 ē 冷，看 he 流籠載人 kah 載柴相閃有影足心適， Lah-jih tòe 大兄 hām 幾位工人行路上山，行到溪仔邊， soah 無 khoàiⁿ 橋， kan-nā 有 he 鉛索仔掛一 kâi 柴箱橫 tī 溪流頂面，下面溪水 chheⁿ-lin-lin hē-hē-kiò 有夠驚人， chit 時有人 giú 一條索仔 kā 柴箱 giú 到面頭前， 2 人 peh 起 lih 坐，然後 chiah kā 索仔 ûn-ûn-á 放，放到溪中央所在， chiah koh 出力 giú ， giú 到對岸擋 tiām hō͘ 人落來， chiah koh kā 柴箱 lūi 轉來 chit-pêng ，繼續換人坐換人 giú 。換我坐到溪中心時， àⁿ 頭看 he 青綠色坑仔水 kah he 白水波，有夠 súi ， m̄-koh 聽 he hì-hè-kiò ê 掣流聲，實在足恐怖，想講萬一 ⋯⋯ 已經到岸頂。 Peh 來到山頂， tang-sî-á 工寮已經徙來到頂山，經過 2 年外，寮仔徙位，紅毛土橋變 lūi-á （輕便纜 車 ）， lóng 是風颱水災造成，莫怪大嫂對做牙（農曆初二、十六，祭拜土地公，祈求平安 ê...

  工寮 tòa 3 禮拜： 工寮起 tī 山坑仔邊， 2 排 4 落枋仔厝，柴枋壁堵，厝蓋 khàm 杉仔瓦，獨身仔睏總舖，翁某有翁某房，有客廳灶腳有火爐，算是方便四是。 he 坑溝仔流水聲有聽 ìⁿ 聲無 khoàiⁿ 影， m̄ 敢 tham 頭看。 Hit-chūn 大嫂 leh 煮食，除了大兄四兄和 2 個查某孫仔，猶有幾個工人倚阮食，工人若 soah 工，寮仔 to̍h 真鬧熱。 1956 年 7 月底萬達風颱侵入，透風落雨，規暝 pi-pi-po̍k-po̍k 活 boeh 驚 -- 死， siáⁿ 知天光踏出門外， iáu-siū ，寮仔頭前  pìⁿ-chiâⁿ 1 條溪流， ùi 頂山割對寮仔厝邊落坑崁， mài 想 m̄ 知驚， ná 看 ná 恐怖， hó-ka-chài ，山神有保庇，寮仔前 2 欉大欉樹，橫 1 箍足大箍 ê 樹木， chiah hō͘ 山水斡對寮仔邊去，聽 tòa 邊仔間 ê Ian-á 兄講， in 翁仔某透暝拆壁堵 nǹg 過隔壁間， ta̍k-ê 看一下真，寮仔下 lóng 是土沙，頭擺見證 siáⁿ-mih 是土石流，原來是 chhū 山 chò-chiâⁿ 。 風颱過後，山路災害，運搬困難，工人 mā 歇睏，只好 khut tiàm 寮仔內 phò-tāu 話仙，有人去巡水梘仔 sūn-sòa 挽香菇 khau 山茼蒿仔。集材機恢復鉤柴作業，大兄 chhōa 阮去看現場， peh 崎山路歹行，無張持跋一倒去 hôe 著路邊草仔，隨時感覺手盤 sio-jia̍t 疼， ná 剌毛仔蟲 loah--tio̍h ，四兄講 he 是咬人貓，趕緊提萬金油 kā 我抹，隔轉工 chiah siau-hông--khì 。 工寮生活真單純，日 -- 時大人出門做穡，大嫂無閒厝內煮食 kā 囡仔洗蕩，我 kah 孫仔 thit-thô m̄ 敢烏白走，工人歇睏轉 -- 來，咱 to̍h tiām-tiām sîn 話鬚，聽大人 hap-sian phò-tāu ， 3 禮拜時間真緊 to̍h 過 -- 去，大兄 to̍h chhōa 阮轉去 Chhân-tiong-ng ( 彰化縣田中 ) 。

  第一擺來楠仔仙溪： 1956 年歇熱，大兄轉去 Chhân-tiŏng chhōa 讀國校二年級蕭輝虎、讀初中蕭平治 kap 妹婿陳瀧來楠仔仙溪 thit-thô 。 Hit-chūn 大兄 tī 楠仔仙溪工作站 8 號機做 ku-lí-thâu ，組頭是 A-teng 伯（陳萬忠， mā 是井仔頭人），另外有陳清廷組頭 ê 9 號機（ Pâng-á 伯後生）。 Hit-tang-chūn 嘉義 boeh 去阿里山，小火車 2 日 chiah 有 1 pang 車（ chi̍t-chōa ），行 siang-khia 日， khia 日上山，雙日落山。阮前一工 tī 嘉義驛驛頭前玉山旅社販仔間隔暝， hit 暝組頭 A-teng 伯請阮酒家食飯，頭擺知影白醋蝦料理。 隔轉工 tī 嘉義驛坐阿里山線到阿里山， hit 暗 tòa A-teng 伯 in-tau ，隔轉工 chiah ùi 阿里山到東埔到楠仔仙溪。 Chit chōa 阿里山 thit-thô ， tī 散文〈阿里山縣長〉有精彩 ê 紹介。（ https://chhantionglang.blogspot.com/2012/11/19580800-20111109lah-jih.html ） 〈阿里山縣長〉截取：「 1 956 年 Lah-jih 讀初中二年，輝虎 mā 已經轉來家鄉讀國校二年，歇熱期間，大兄 thiau-kang 轉來 chhoā 輝虎、 Lah-jih kap 大姊夫去楠仔仙溪 chhit-thô （渡假），田中→嘉義→阿里山→東埔→楠仔仙溪→工寮， 1-choā 路 lò-lò 長， ùi 散赤庄腳到都市， ùi 鬧熱都市深入到恬靜深山林內， 2 暝 3 工路途，經驗從來 m̄-bat 有 ê 經驗，第一擺到嘉義都市，第一擺 toà 旅社販仔間，第一擺 chhàm 酒家，第一擺坐登山火車……算 bē 了 ê 第一擺。」 「 Su-tong-sî 阿里山線火車車班（ pang ）雙奇日無仝， khia 日上山，雙日落山， 1 日 1 班，第一暝 toà 嘉義販仔間， hit 暗，大兄 ê 頭家（組頭）阿丁伯招待去酒家食飯， 1 個日本查某打扮 ê 查某人 phâng 菜 -- 入來，「あいうえお」講 saⁿh 聽無， kan-nā 知影「たなか」是講阮 toà 田中，坐 ...

東埔楠仔仙溪眠月線懷舊影像之旅（前言）   前言： 大兄蕭顏淵， 1940 年 18 歲， tòe 阿媽外家井仔頭（赤水） Pâng-á 伯（阿里山耆老陳清祥先生老爸）來阿里山做工趁食， Ùi 集材工做到 ku-lí-thâu ，阿里山、こだま、水山線、東埔線、眠月線、楠仔仙溪 lóng 有伊 ê 腳跡。 Lah-jih tòe 大兄來楠仔仙溪有 2 pái ， 1 pái tòa 3 禮拜， 1 pái tòa 半冬，對東埔、楠仔仙溪有較熟似 mā 有真深 ê 感動，對 Chiáu-pêng （沼平）到こだま到東埔到楠仔仙溪沿路 mā 真有記智。  

撚骰十八骰：         20241012 Lahjih Tâu-á （骰仔）： Poa̍h-kiáu kang-kū            20241012 Lahjih Tâu-á 有二款，一款 si̍p-pat-tâu-á （十八骰仔），一款 lián-tâu-á （撚骰仔）。 Si̍p-pat-tâu-á 是 li̍p-hong-thé （立方體） 6 面； lián-tâu-á 是 la̍k-kak-thiāu （六角柱） 8 面，中心 chhng 一枝 ē 使得 kō͘ nn̄g-cháiⁿ 指頭仔 lián hō͘ tńg ê kha 。 Si̍p-pat-tâu-á 、 lián-tâu-á lóng 是 poa̍h-kiáu ê 工具。 下面紹介三款阮崁頂庄 poa̍h-kiáu 方式： 一、 Lián-tâu ： lián-tâu 是 kiáu ê 名， lián-tâu-á 是工具名。 Lián-tâu-á 一粒、平底盤仔一塊、骰仔碗一塊，土腳 chhu 一張大張牛皮紙，頂面畫六格寫一、二、三、四、五、六。 內場 tiàm 盤仔 lián 撚骰仔，然後 kō͘  碗 khàm tiâu ，外場 kiáu-kha 開始 hē-tù （下注），若無人 koh teh-tù ，內場 to̍h 喝「掀」，然後 teh 無 tio̍h--ê 「咬」，有 tio̍h--ê 「賠」。 Teh 心： Kā 錢 khǹg tī 格仔內， 1 賠 4 。 Teh 岸： Kā 錢 teh tī 兩格中間 sûn 頂， 1 賠 2 。 扛： kā 錢 khǹg tī  一、二、三；二、三、四；三、四、五；四、五、六頂面， 1 賠 1 。 Poa̍h lián-tâu ，內場 phiⁿ 6 分之 1 。假設每點 teh 心 lóng teh 1 kho͘ ，內場 ē-tàng 咬 5 kho͘  賠 4 kho͘ ，穩趁 1 kho͘ 。 Chit 種無公平 ê poa̍h-kiáu ， ná-ē 足濟人 ài poa̍h ，實在想 b...