阿里山懷舊影像之旅 第1站 嘉義驛出發

 阿里山懷舊影像之旅 第一站 嘉義驛出發

第一站「Ka-gī驛」火車起行：嘉義驛是縱貫鐵路 大線、阿里山森林鐵路小火車、糖鐵 五分仔車kong-ke用 ê驛頭，台鐵 鐵枝路闊762mm號做七分仔車/七分仔，阿里山線 鐵枝路闊762mm，號做小火車，糖鐵 鐵枝路闊762mm，號做五分仔車/五分仔。

行入嘉義驛第一月台oat北爿行，to̍h是阿里山森林鐵路 小火車ê月台，Boeh去阿里山tio̍h是tī chia chiūⁿ車。嘉義到阿里山舊驛沼平總共71.4 Km長，ùi海拔30 m peh到2216 m。

廣告宣傳單。

營林所嘉義出張所，chia是浸柴箍ê杉池，目的是防止木材pit-sûn，chia有安天車thang鉤柴徙位起落。

台灣俗語有「大溪無khàm蓋」，嘉義有「杉池無khàm蓋」lóng是咒人boeh死趁早ê歹聽話。

記得囡仔時，兄哥bat教我kō͘〈雨夜花〉ê旋律唱「跳杉池」ê台語歌，歌詞tī chia：

「跳杉池 跳杉池 為著愛情來所致 烏貓烏狗 招招boeh去死 死了chèng人leh看伊」

「真可惜 真可惜 兩人死去 kài m̄-tio̍h 結局死去 人soah愛笑 枉費細漢爸母搖」

開往阿里山 客車車箱。

阿里山鐵路嘉義站：進入嘉義驛第一月台oat北爿行，to̍h是阿里山森林鐵路小火車ê月台，Boeh去阿里山tio̍h是tī chia chiūⁿ車。

月台倒爿是大線火車。

1966歇熱，大兄頭一擺chhōa我kah輝虎kah大姊夫去楠仔仙溪thit-thô，hit-chūn阿里山線單日上山雙日落山C一日kan-nā一chōa。前一工組頭阿丁伯請阮tī一間酒家食暗，tī たたみ 榻榻米房間辦酒桌，siáⁿ-mih四川雞、白醋蝦lóng無感覺好食，案內あんない查某囝仔講日本話mā聽無，kan-nā聽有「タナカ」「Otōto」ê意思，hit暝tòa-tī阿里山驛頭前一間販仔間永興旅社，睏たたみ 榻榻米總舖。