蕭平治老師 台文冊櫥

  Koan Chū-chāi:           20220512     Lahjih Ū chi̍t ê Siu-hēng-chiá, tit-tio̍h choat-chèng, i chiàu-siâng kòe-ji̍t, chi̍t-kang kòe chi̍t-kang, kap í-chá kāng-khoán chia̍h pn̄g, Siân-siu, khùn-bîn, khòaⁿ bē-chhut ū siáⁿ-mih koh-iūⁿ. Tông-siu koan-sim i ê sin-thé, i ê sim-chêng, i lóng chhiò-chhiò kám-siā, m̄-bat ut-chut oàn-thàn. Tông-siu mn̄g i : Ná-ē chiah-nī chū-chāi, kám kóng bē kám-kak kiaⁿ-hiâⁿ khióng-hông? Siu-hēng-chiá: Bē--lah, iáu m̄-sī hām kòe-khì kāng-khoán, ji̍t-ji̍t kòe-ji̍t, ji̍t-ji̍t hó kòe. Tông-siu: Kám kóng í-keng "Ngó͘ ùn kai khong". Siu-hēng-chiá: Iáu chha chin hn̄g. Tông-siu: M̄ sī kóng "Ngó͘ ùn kai khong" to̍h ē bô khióng-pò͘? Siu-hēng-chiá: Bô-m̄-tio̍h, "Hēng chhim" chū-jiân bē khióng-pò͘. Tông-siu: Án-ne ê siu-iáng iáu bô "Hēng chhim", ūi-siáⁿ-mi̍h? Siu-hēng-chiá: Góa kan-nā chai-iáⁿ "Bû-bêng→Hêng→Sit→Bêng Sek→Lio̍k-ji̍p-chhù→Chhiok→Siū→Ài→Chhú→Ū→Seⁿ→Lāu Pēⁿ Sí Iu Pi Náu Kho͘." sī jîn-seng thòng-khó͘ ê ki

  北海道 旅遊   201507 老人旅遊 ê 鬱卒 ： 退休後，看朋友、同事時常相招出國 thit-thô ，實在欣羡。鬱卒 --è 是家己單單為著放屎問題，一直 m̄ 敢 chái-khí 時 8 點進前出門， mài 講去遠路， kan-nā 出門散步騎鐵馬都 ùi-ùi ，驚做想 boeh 放屎 chhōe 無便所 （ べんじょ ） 。 Tì-sú 按呢 ê 原因是 12 冬前，內外 痔開刀後 ê 病母，可能是尻川 hō͘ -sòaⁿ-kéng[ 括約肌 ] 無力所致， mā 有可能心理因素作怪， m̄ 是秘結 m̄ 是落屎，是 tn̄g-tio̍ h 想 boeh 放屎時，即時 tio̍h-ài 走便所，傷慢 ē 禁 bē- tiâu ，屎 若 是 放 有 清氣， kui 工輕鬆無代誌，早起時猶未放屎進前 to̍ h 是 m̄ 敢出門，實在 chiâⁿ 害。 親像 5 冬前， kap 後生去北京自由行， to̍ h 一直交代 m̄-thang 早晡 8 點進前出門，一定著等待大便 （ だいべん ） 清理好勢 chiah-thang 出門， siá ⁿ 知回程班機是早起 7 點， chit 聲「害 --ā 」， ko͘ -put-lī-chiong tī 前 2 工下晡開始「禁食」，連紲 5 頓無食， kan-nā lim 水 lim ビ－ル，一直到轉來桃園機場 chiah-koh 食物件。 3 冬前 koh 去日本自由行，轉 -- 來 hit 早起放屎放無清氣 to̍ h 趕 boeh 機場， hó-ka-chài 有準備紙尿褲， chiah-thang 放心，來到機場 chiah 趕緊去便所，坐飛龍機時 mā m̄ 敢 kā 尿褲褪 -- 起來， hit 種緊張鬱卒心情 m̄ 是好好人 ē-tàng 了解。 Chit-pái kin-tòe 旅行團北海道 4 暝 5 工旅遊， 1-kó͘ 月前後生 chiah  問講 boeh 報名參加 --bò͘ ？真正あっさり無經過考慮 to̍ h 應「 boeh ！」 siáⁿ-mih 因端 ē chiah-nī 有勇氣？因為朋友交談中得著兩項解決 ê 辦法，隨身 chah 大人用尿褲 kap 通腸劑。原來大人用尿褲有內褲型 --ē ， kō͘  lom--e ，細領束結 bē gāi-gio̍ h ， ká-n