Koan Chū-chāi

 Koan Chū-chāi:        20220512  Lahjih



Ū chi̍t ê Siu-hēng-chiá, tit-tio̍h choat-chèng, i chiàu-siâng kòe-ji̍t, chi̍t-kang kòe chi̍t-kang, kap í-chá kāng-khoán chia̍h pn̄g, Siân-siu, khùn-bîn, khòaⁿ bē-chhut ū siáⁿ-mih koh-iūⁿ.

Tông-siu koan-sim i ê sin-thé, i ê sim-chêng, i lóng chhiò-chhiò kám-siā, m̄-bat ut-chut oàn-thàn.

Tông-siu mn̄g i : Ná-ē chiah-nī chū-chāi, kám kóng bē kám-kak kiaⁿ-hiâⁿ khióng-hông?

Siu-hēng-chiá: Bē--lah, iáu m̄-sī hām kòe-khì kāng-khoán, ji̍t-ji̍t kòe-ji̍t, ji̍t-ji̍t hó kòe.

Tông-siu: Kám kóng í-keng "Ngó͘ ùn kai khong".

Siu-hēng-chiá: Iáu chha chin hn̄g.

Tông-siu: M̄ sī kóng "Ngó͘ ùn kai khong" to̍h ē bô khióng-pò͘?

Siu-hēng-chiá: Bô-m̄-tio̍h, "Hēng chhim" chū-jiân bē khióng-pò͘.

Tông-siu: Án-ne ê siu-iáng iáu bô "Hēng chhim", ūi-siáⁿ-mi̍h?

Siu-hēng-chiá: Góa kan-nā chai-iáⁿ "Bû-bêng→Hêng→Sit→Bêng Sek→Lio̍k-ji̍p-chhù→Chhiok→Siū→Ài→Chhú→Ū→Seⁿ→Lāu Pēⁿ Sí Iu Pi Náu Kho͘." sī jîn-seng thòng-khó͘ ê kin-goân.

Tông-siu: Kì-jiân í-keng liáu-kái, kám m̄ sī í-keng liáu-kái "Hu̍t-hoat"?

Siu-hēng-chiá: Che kan-nā sī "Hu̍t-hoat" ê chho͘-chhián jīn-bat.

Tông-siu: Chhiáⁿ-mn̄g, siáⁿ-mih sī "Khó͘ Sèng-tè".

Siu-hēng-chiá: Jîn-seng sī Khó͘, Lâng chū chhut-sì to̍h kiâⁿ-hiàng Sí-bông, lâng ē lāu ē phòa-pēⁿ, tn̄g-tio̍h Lāu, Pēⁿ, éng-éng siūⁿ tio̍h Sí-bông, m̄-chiah sè-sio̍k tùi Sí-bông khiat-chiat kìm-khī te̍k-pia̍t chē, jīn-ûi "Sí" sī pháiⁿ kiat-tiāu. In-ūi kiaⁿ "Lāu, Pēⁿ , Sí." soah lâi "Iu, Pi, Náu." ê kám-siū, It-seng tī iu-chhiû, pi-siang, khó͘-náu kòe-ji̍t, koan-sim ka-tī ê "Iu, Pi, Náu, Khó͘.", mā koan-sim pa̍t-lâng ê "Iu, Pi, Náu, Khó͘.", lú chhin lú ài lú iu-chhiû, lú pi-siang, lú khó͘-náu, lú kan-khó͘. Chòe-āu to̍h sán-seng jîn-seng ê tōa thòng-khó͘. Che to̍h sī "Khó͘ Sèng-tè", jîn-seng sī khó͘ ê goân-in.

Siu-hēng-chiá: Kî-si̍t "Sí-bông" pēng bô khó-phàⁿ, khó-phàⁿ sī "Sí-bông" chêng ê "Lāu, Pēⁿ, Sí" "Iu, Pi, Náu". Lán nā mài chip-tio̍k tī "Lāu, Pēⁿ, Sí", chū-jiân bē khióng-pò͘. "Sí-bông" sī sèⁿ-miā siau-sit, bē chhoán-khùi, sim-chōng tiāⁿ--khì, sit-khì "Sek, Siū, Siáng, Hêng, Sit," Ngó͘ ùn. Siáⁿ-mih lóng m̄-chai, to̍h bô siáⁿ-mih khióng-pò͘.

Tông-siu: Chhiáⁿ-mn̄g, lí sī lī-iōng Siân-siu liām-keng, chiah bē-kì-tit "Iu, Pi, Náu, Khó͘." hioh?

Siu-hēng-chiá: M̄ sī, sī bīn-tùi, bīn-tùi "Choat-chèng" i-liâu kòe-thêng kak-ti, án-chóaⁿ bē kám-kak "Khó͘-siū" ka-tī mā m̄-chai-iáⁿ.

留言

張貼留言

這個網誌中的熱門文章

阿爸ê鹿角薰吹：第一篇台文作品

圖片
阿爸 ê 鹿角薰吹： 1993/8 第一篇台文作品 （ 1993/8 年作品，mā是第一篇台文作品） （發表tī  1993 年 10 月台文通訊第 24  期 . 並選輯tī台語文學有聲叢刊內） 阿爸有一支鹿角做 ê 薰吹。 He 是阿兄 tòa-tī 阿里山 teh 做集材工仔 ê 時陣， ùi 山內 khioh 著一支鹿仔 lak-- 落來 ê 角所做 ê 薰吹   。 阿爸足愛 hit 支薰吹，不時 mā chah tiâu-tiâu ，一 -- 來 ē-tàng pok 薰，真好 gia ̍ h ， koh 真好 pok ；二 -- 來 mā ē-tàng kā 別人展講：「 Che 是阮後生 ùi 阿里山 gia ̍ h-- 轉來 ê ！」 Chit 時我 khiā tī 邊 --a 聽 -- 著，我 tō 知影，阿爸又 koh teh 展 in kiá ⁿ 真正有孝 --à ！「鹿角薰吹 --neh ！鹿仔角做 --ê ， lín 敢有？」 Lóng 已經過三十外冬 --a ， m̄-koh 到今，每一 pái 若看著鹿仔 ê 角， tō 會去想著阿爸 gia ̍ h ê hit 支薰吹   。 Ē 記得有一工，大概是下晡三、四點仔 ê 款，阿爸 beh pok 薰， chhōe 無 伊 ê 薰吹，到底 phah-m̄-kiàn 佗位去 --neh ?  厝內底四界 chhōe 透透， lóng chhōe 無。 「 He tō 奇 --lò ͘ ？敢 ē kh ǹ g-tiàm 牛肚福 --à in 兜   ？」 「 Jih--è ！你去福 --à in-hia chhōe 看覓 --leh ！   看有 kh ǹ g tiàm in 桌頂 -- 無 ! 」   隨時兩步當做一步走，一目 nih ，走到福 --à in 兜： 「 Góan 阿爸 ê 薰吹有 kh ǹ g-tī chia-- 無？」 「 Chhōe 看覓 --leh ！振仔叔公 tú-chiah 有來 -- 過，無的確 kh ǹ g tī 灶頭 hia ！」 「無 --leh ！」 「 Ah 若無， koh chhōe 看有 tī 人客間仔 hia-- 無？」 「 Mā 無！」 「按呢，我 tō m̄ 知 --a ！」 Chhōe kah 規身軀汗， lóng chhōe 無，只好走
閱讀完整內容

阿里山懷舊影像之旅 第7站 樟腦驛

圖片
  阿里山懷舊影像之旅  第7站「 Chiuⁿ-ló-liâu 驛」： 樟腦寮驛離嘉義驛 23.3 Km 。 Chiuⁿ-ló-liâu （樟腦寮），樟腦 chiuⁿ-ló 、 Chiuⁿ-nó͘ 、 chiuⁿ-ló͘ 攏有人講。提煉樟腦油號做 kek-ló ， bē 使得講 kek-ló͘ ， kek-ló͘ 是激滷 / 激櫓，意思 bô-kâng 。 古早台灣是樟腦王國，樟腦樹滿山坪，古早樟腦寮 Chia 有 kek-ló （激樟腦） ê 寮仔，地名號做樟腦寮，後 -- 來車站 to̍h 號做 Chiuⁿ-ló-liâu 驛。 Chiuⁿ-ló-liâu 驛 boeh chiūⁿ 阿里山， nǹg 過第二號磅空 se̍h 3 khong to̍h 到獨立山， kui 路 lóng 是 peh 崎，所以 Chiuⁿ-ló-liâu 驛 ê 施設需要有食水 ê chúi-ho̍h （水鶴）水塔， kap  「 X 」型 Switchback （折返式路線 / 折返線） ê 鐵枝路。 「 X 」型 Switchback  分「 ╱ 」「  ╲ 」二股鐵路交叉，一股東西向 ē 使得嘉義、阿里山直行通行，有崎度；一股是驛頭 kap 相閃 bih 車路用，較平坦。上山車班需要分道倒吞入站，落山班車入站後，若 boeh koh 出發， mā-tio̍h 分道倒吞 chiah koh 向前起行， chiăⁿ 心適 ê Chiuⁿ-ló-liâu 驛。 1956 年頭一擺 tòe 大兄來阿里山楠仔仙溪 thit-thô ，火車坐來到樟腦寮，車母 peh kah phīⁿ-phēⁿ 吼喘無停，大兄講：「 Chit-má 開始 boeh se̍h 圓箍仔 peh 山， chim-chiok 看，等 --leh ē-tàng 看 tio̍h tú-chiah 行過 ê 鐵枝路 tī ē-kha ， tio̍h se̍h 3 liàn 圓箍仔 chiah ē 到獨立山， che 有故事，後日 chiah 講 hō͘ 你聽。」火車 ná se̍h ná khin-lin-khong-long khin-lin-khong-long ，無 goā 久車內有人喝聲：「看山腳，鐵枝路 tī hia 。」探頭看 māi ，有影 to-tio̍h ，鐵枝路 to̍h tī ē-kha--ne
閱讀完整內容

三兄

圖片
19550700_ 三兄   Lah-jih_20121020 老人愛回想，想起囡仔時代 tī 田中第一國民學校讀五年 --ē ê 時陣，有一工拜六中晝，放學 boeh 轉 -- 去，經過景崧病院、行過菜市仔門口，雄雄後壁傳來熟似「 Jih--è ！ bōe  轉去！」ê叫聲，越頭一看，果然無錯，是三兄， 是三兄 tī 菜市仔門嘴 leh hiu ，心內歡喜大聲叫「三兄！」 to ̍ h 斡倒轉去菜市仔門嘴。 「  Jih--è ！ 咱入來去市仔 khok-á-te 擔 食 khok-á-te kap chì ⁿ 粿。」 ⋯ 1 盤 khok-á-te 、 chì ⁿ 粿食了，三兄 to ̍ h chh ō a Lah-jih 去雜貨仔店買草笠仔，「天氣 chiah-nī 熱，買 1 頂草笠仔戴， chiah-bē 熱 -- 著！」 Hit-tang-chūn 知 ûn-chōa ê Lah-jih 每擺放學行過街路，攏 ē 足期待 tn̄g-tio ̍ h 三兄，因為 tn̄g-tio ̍ h 三兄一定有食 koh 有掠。 講到斯當時囡仔時代，家庭散 phí-phí ，阿爸作 kah 4 分厝跤田，雖罔二兄 kin-tòe tī 身邊，穡頭做 bē-soah ， m̄-koh 收入有限，難得有閒錢，每冬收成是利不及費， m̄-chiah 大兄四兄著出外趁食， pún-chiâ ⁿ 三兄 mā 跟隨大兄去阿里山，攏是屘姑做得來，三兄 chiah-ē 去 hō ͘ 人招， hō ͘ 人招是不得已， m̄ 是 kài 好名聲， 10 个 hông 招， 9 个無地位。屘姑嫁 tī 普興庄， kap 親家親姆 tòa 仝庄，屘姑 kap 親姆真 má-chih ，是透過屘姑 kā 阿爸三 ko ͘ -chiâ ⁿ 四 ko ͘ -chiâ ⁿ  chiah 講好 chit 層姻緣，「 5 个後生 1 个 hō ͘ 人招， koh-sī 隔壁庄， koh-sī kap 阿姊好姊妹，好 -- 啦！」一聲「好 -- 啦」阿爸 chiah 勉強答應。自按呢 tī 阿里山做工  ê 三兄，一時 hông  叫轉來， hit 年 1951 年，三兄 22 歲三嫂 24 歲，三兄 boeh 離開阿里山時，大嫂是 m̄ 甘 tiuh-tiuh ，因為三兄 kut-la ̍ t 體貼， ē
閱讀完整內容