POJ Tâi-gí gín-á-koa koa-sû
Tâi-gí gín-á-koa TOJ koa-sû (63 siú, CD siu 61 siú) Siau Lah-jih 2004-08-08
01/1a01. Chia̍h-pn̄g koa C 2/4
Góa boeh chia̍h-pn̄g góa boeh chia̍h-pn̄g pak-tó͘ iau pak-tó͘ iau
Ke-bah ti-bah hó-chia̍h chheⁿ-chhài tāu-hū hó-chia̍h chin hó-chia̍h chin hó-chia̍h
Góa boeh chia̍h-pn̄g góa boeh chia̍h-pn̄g pak-tó͘ iau pak-tó͘ iau
Gû-leng mī-pau hó-chia̍h tāu-leng bân-thô hó-chia̍h chin hó-chia̍h chin hó-chia̍h
Góa boeh chia̍h-pn̄g góa boeh chia̍h-pn̄g pak-tó͘ iau pak-tó͘ iau
Ke-nn̄g ah-nn̄g hó-chia̍h hî-á hê-á hó-chia̍h chin hó-chia̍h chin hó-chia̍h
02/1a02. Khì tha̍k-chheh C 4/4
Hoaⁿ-hoaⁿ-hí-hí tha̍k-chheh khì
kiâⁿ-lō͘ ài sè-jī
Âng-teng tio̍h-ài thêng chheⁿ-teng chiah kòe--khì
Kha-pō͘ khin-sang khò chiàⁿ-pêng m̄-thang loān-chông sńg bô-thêng
Kiâⁿ-lō͘ tio̍h chèng-keng kiâⁿ-lō͘ tio̍h chèng-keng
03/1a03. Tâi-oân-káu-á kiáⁿ C 4/4
Ū chi̍t chiah Tâi-oân-káu-á kiáⁿ i si̍t-chāi chin chhù-bī
Chin-chiâⁿ hó-sńg chin-chiâⁿ hoa̍t-phoat si̍t-chāi chin kī-chui
ah ū chi̍t pái i thau-cháu--chhut-khì
m̄ chai-iáⁿ thang tńg--lâi
Hāi gún chhōe kah kín-tiuⁿ koh hoân-ló
hō͘ lâng chin siū-khì
04/1a04. Niau-á lâi chia̍h-pn̄g D 4/4
Miau-miau koáⁿ-kín lâi chia̍h-pn̄g miau-miau koáⁿ-kín lâi chia̍h-pn̄g
Hî-á kiáu-pn̄g hî-á kiáu-pn̄g koh ū gû-leng kín-lâi chia̍h-pn̄g
Miau--ng miau--ng "seh seh seh seh" kám-siā lī-la̍t sió-chiá
Miau--ng miau--ng chin to-siā
miau--ng miau--ng hō͘ lí chin to-siā
Miau-miau koáⁿ-kín lâi chia̍h-pn̄g miau-miau koáⁿ-kín lâi chia̍h-pn̄g
Hî-á kiáu-pn̄g hî-á kiáu-pn̄g koh ū gû-leng kín-lâi chia̍h-pn̄g
Miau--ng miau--ng "seh seh seh seh" kám-siā lī-la̍t "soái ko"
Miau--ng miau--ng chin to-siā
miau--ng miau--ng hō͘ lí chin to-siā
05/1a05. Saⁿ chiah lâ-giâ C 4/4
Saⁿ chiah lâ-giâ saⁿ chiah lâ-giâ
chi̍t chiah tī piah-kak chi̍t chiah tī pâng-keng
lēng-gōa chi̍t chiah cháu khì bih m̄-chai-iáⁿ cháu tùi tó-ūi khì
Saⁿ chiah ka-choa̍h saⁿ chiah ka-choa̍h
chi̍t chiah tī e̍k-keng chi̍t chiah tī chàu-kha
chi̍t chiah bih tī chhàu kau-á lāi si̍t-chāi ū-kàu bô oē-seng
06/1a06. Pàng hong-chhoe C 4/4
Pàng hong-chhoe pàng hong-chhoe lâi-khì goā-kháu bīn
Pàng khí-khì pàng khí-khì poe-khì thiⁿ-téng khì
Chin hoaⁿ-hí chin hoaⁿ-hí sò-á soah tn̄g--khì
Poe khí-khì poe khí-khì poe kah bô-khoàⁿ-kìⁿ
Chin chhù-bī chin chhù-bī
hong-chhoe hō͘ hong chhoe--khì
07/1a07. Góa sī chi̍t ê sió kī-chui C 3/4
Ū chi̍t ê súi ko͘-niû góa tiō-sī súi ko͘-niû sai-nai kī-chui
m̄ chai-iáⁿ ū iu-chhiû múi-ji̍t lóng chhiò-bi-bi hoa̍t-phoat koh iù-siù
Ū chi̍t ê sió sin-sū goá tiō-sī sió sin-sū ian-tâu kī-chui
m̄ chai-iáⁿ ū iu-chhiû ū lé-māu ài ūn-tōng phín-hēng chin iu-siù
Ū chi̍t ê sió kī-chui góa tiō-sī sió kī-chui chin-chiâⁿ kī-chui
m̄ chai-iáⁿ ū iu-chhiû sim mā bē phah kat-khiû
sai-nai koh iu-siù
08/1a08. Káu-hiā chin kut-la̍t D 3/4
Káu-hiā si̍t-chāi chin khîn-khoài chin bô-êng chin phah-piàⁿ
Káu-hiā si̍t-chāi chin kut-la̍t koh ū lé-māu
Tn̄g-tio̍h bīn tìm-tìm-thâu sio chioh-mn̄g "ún ún hâu"
Káu-hiā si̍t-chāi chin kut-la̍t koh ū lé-māu
09/1a09. Gû-leng hó chu-bī C 4/4
Gû-leng gû-leng chin-chiâⁿ hó chu-bī
chin-chiâⁿ hó-lim phang-phang koh tiⁿ-tiⁿ
Goá ài lim gû-leng goá chin ài lim
Gû-leng êng-ióng goá chin kah-ì
10/1a10. Lāi-hio̍h lia̍h ke-á kiáⁿ D 4/4
Lāi-hio̍h poe--lâi-lah koáⁿ-kín tńg-lâi bih ke-bó kín-tiuⁿ phu̍h-phu̍h-poe
kok kok kok kok kho͘ kiáⁿ-jî
kín tńg-lâi bih tiàm a-bú ê sin-khu piⁿ
Lāi-hio̍h khong-tiong poe ke-á-kiáⁿ leh chhit-thô
ke-bó khoàⁿ-tio̍h chiâⁿ hoân-ló
kok kok kok kok it-ti̍t kiò
kín tńg-lâi bih tiàm a-bú ê "chhú pâng lî"
11/1a11. Phah tiān-tōng D 4/4
Phah tiān-tōng chin chhù-bī si̍t-chāi chin hó-sńg
Ba̍k-chiu kim-kim siòng gîn-bō͘ siang-chhiú bô-sî-thêng
Phah tiān-tōng chin chhù-bī ū-iáⁿ chin hó-sńg
Poàⁿ tiám-cheng hioh cha̍p-hun "
chhâi pû hoé sang iân cheng"
12/1b12. Siân-á siak siak C 2/4
Siak siak siak siak siak siak siak siak
Siân-á poe--chhut-lâi-lah
Siak siak siak siak siak siak siak siak
Joa̍h-thiⁿ í-keng kàu--a
Siak siak siak siak siak siak siak siak
Thiⁿ-khì chin-chiâⁿ iām-joa̍h
Siak siak siak siak siak siak siak siak
Siân-á hoaⁿ-hí chhiùⁿ-koa
13/1b13. Kiong-hí seⁿ-ji̍t khòai-lo̍k F 3/4
Kiong-hí lí seⁿ-ji̍t khòai-lo̍k Kiong-hí lí seⁿ-ji̍t hoaⁿ-hí
Kiong-hí seⁿ-ji̍t khòai-lo̍k hoaⁿ-hí
Chiok-ho̍k lí chhìo-bi-bi
A-kong seⁿ-ji̍t khòai-lo̍k A-kong seⁿ-ji̍t hoaⁿ-hí
A-kong seⁿ-ji̍t khòai-lo̍k hoaⁿ-hí
Chiok-ho̍k lí chhìo-bi-bi
14/1b14. Chio̍h-thâu ka-to chóa F 2/4
Chi̍t nn̄g saⁿ ka-to choá
Chi̍t nn̄g saⁿ ka-to choá
Ka-to boeh ka-choá
Choá boeh pau chio̍h-thâu
Chio̍h-thâu boeh tûi ka-to
Khoàⁿ siáⁿ-lâng iâⁿ siáⁿ-lâng--leh
15/1b15. Káu-hiā kng piáⁿ D 4/4
Chi̍t chiah káu-hiā tī mn̂g-kháu
chhōe tio̍h chi̍t tè piáⁿ
Hoaⁿ-hoaⁿ-hí-hí beh lâi poaⁿ m̄-koh bē tín-tāng
Oa̍t-thâu tńg-khì chhōe pêng-iú
kiń-lâi tàu-kha-chhiú
Chi̍t nn̄g saⁿ sì kng--tńg-khì chhù-bī koh khin-sang
16/1b16. Thâu-khak keng-thâu kha-thâu-u C 4/4
Thâu-khak keng-thâu kha-thâu-u
kha-thâu-u
kha-thâu-u
Thâu-khak keng-thâu kha-thâu-u
ba̍k-chiu phīⁿ kap chhùi
17/1b17. Hóe-chhia khí-kiâⁿ C 2/4
Hoé-chhia khí-kiâⁿ tu tu chhiàng chhiàng
kiâⁿ-koè Chhân-tiong kiâⁿ-koè Ka-gī
Chi̍t kang boeh cháu kúi pah lí
Koáⁿ-kín lâi-khì koáⁿ-kín lâi-khì
Lâi-khì Ko-hiông chia̍h hoe-ki
Hoé-chhia khí-kiâⁿ tu tu chhiàng chhiàng
kiâⁿ-koè Chiong-hoà kiâⁿ-koè Tâi-tiong
Chi̍t kang boeh cháu kúi pah lí
Koáⁿ-kín lâi-khì koáⁿ-kín lâi-khì
Lâi-khì Thô-hn̂g khoàⁿ hoe-lêng-ki
18/1b18. Chin kī-chui chin iù-siù F 4/4
Chin-chiâⁿ kī-chui ū-iáⁿ chin kī-chui hiah-nih bí-lē
si̍t-chāi ū-iáⁿ súi
Chin-chiâⁿ iù-siù
si̍t-chāi chin-chiâⁿ iù-siù
si̍t-chāi ū-iáⁿ iù-siù ū-iáⁿ chin kī-chui
19/1b19. Lâi siá-jī C 2/4
Lâi siá-jī lâi siá-jī
chún-pī phō͘-á kap iân-pit
Chē hō͘ chiàⁿ siá hō͘ súi
m̄-thang chhìn-chhái o͘-pe̍h-uih
20/1b20. A-put-tó C 4/4
A-put-tó chin kī-chui
é-kī é-kī
nn̄g phiat té chhùi-chhiu
Iô kòe-lâi iô kòe-khì
chhiò i thûi-thûi
i lóng bē siū-khì
21/1b21. Thiàu-bú kōaiⁿ kōaiⁿ kōaiⁿ A 4/4
Sio chio lâi thiàu-bú
thiàu-bú lâu-koāⁿ chin hoaⁿ-hí
Ta̍k-ke sio chio tàu-tīn
iô-lâi iô-khì kōaiⁿ kōaiⁿ kōaiⁿ
Chi̍t nn̄g saⁿ sì gō͘ la̍k chhit peh
thiàu-bú ū-iáⁿ chin chhù-bī
22/1b22. Bē hoan-be̍h C 4/4
Hoan-be̍h--o͘ hoan-be̍h--o͘
beh chia̍h hoan-be̍h koáⁿ-kín lâi
Ka-kī chèng--ê
ka-kī bē
beh chia̍h sio--ê kín-lâi bé
23/2a01. Bi̍t-phang C 6/8
Thàu-chá chhut-mn̂g kàu hông-hun
poe-lâi poe-khì bô hioh-khùn
Tang sai lâm pak chhōe hoe-châng
sì-kè chhái bi̍t tńg-lâi khǹg
Jīn-chin phah-piàⁿ bô-liáu-kang
jīn-chin phah-piàⁿ ū hi-bāng
24/2a02. Hó--lah F 3/4
Koai-kiáⁿ koai-kiáⁿ
lí mā m̄-thang kan-na khoàⁿ tiān-sī
Chò kong-khò chin-chiâⁿ iàu-kín koáⁿ-kín khì siá-jī
Hó--lah hó--lah
goá beh koáⁿ-kín lâi-khì siá-jī
Khoàⁿ tiān-sī goá mā beh khoàⁿ liâm-mī chiah lâi-khì
25/2a03. Lia̍h ho͘-liu C 4/4
A-hiaⁿ chio goá chò-hóe lia̍h ho͘-liu
lâi-khì chhân--nih chúi-kau lia̍h ho͘-liu
Ho͘-liu ū kàu gâu soan ku̍t-liuh-siù
lia̍h--tio̍h iû-koh hō͘ i liu-soan khì
26/2a04. Teng-nâ-á-hoe D 4/4
Goán-tau ê lî-pa lāi chin-chē âng-sek ê teng-nâ-á-hoe
Teng-nâ-á-hoe chhiūⁿ teng-nâ âng-âng chin-súi chin hó-khoàⁿ
Thàu-chá khí-lâi khoàⁿ 1 pái sim-chêng chheng-sóng chiâu khin-sang
Beh-àm-á sî-chūn koh khoàⁿ 1 pái ē-àm it-tēng ū hó-bāng
27/2a05. Kī-chui gín-á C 4/4
Goá sī 1 ê kī-chui gín-á seⁿ-chò chin kī-chui
Thian-chin hoa̍t-phoat ài ūn-tōng koh chin ài tha̍k-chheh
Múi-ji̍t tàu-tīn lâi ha̍k-hāu hoaⁿ-hí chio pêng-iú lâi chhit-thô
Thiaⁿ lāu-su kóng tō-lí
chò 1 ê kī-chui ê hó pó-pó
28/2a06. Pan-kah kuh kuh D 3/4
Kuh kuh kú-kú Pan-kah leh kiò
Koáⁿ-kín gâu-tōa-hàn
koáⁿ-kín piàn tōa-lâng
Kuh kuh kú-kú iáu-koh chin-kú
Kuh kuh kú-kú Pan-kah leh háu
Koáⁿ-kín gâu-tōa-hàn
koáⁿ-kín piàn tōa-lâng
Kuh kuh kú-kú iáu-koh chin-kú
29/2a07. Chhun-thiⁿ lâi--lò C 4/4
Chhun-thiⁿ lâi--a lí kám-chai
chháu-po͘ chheⁿ-chheⁿ pah-hoe khui
Bi̍t-phang poe lâi chhái hoe-bi̍t
ia̍h-á sio chio leh thiàu-bú
Chhun-thiⁿ lâi--a tī hāu-hn̂g
ta̍k-ke hoaⁿ-hí chhiò-bún-bún
30/2a08. Chin gâu-chá C 4/4
Thiⁿ-kng--a chiáu-á háu ta̍k-ke chin gâu-chá
A-pa chin gâu-chá a-niâ chin gâu-chá
A-má--lah a-kong--lah
a-hiaⁿ--lah a-ché--lah
Sió-tī sió-moāi ta̍k-ke--lah
ta̍k-ke hoaⁿ-hí chin gâu-chá
31/2a09. Chhia lâi--lò F 4/4
Chhia lâi--lò chhia lâi--lò
koáⁿ-kín siám-khui chhiáⁿ lí tio̍h sè-jī
m̄-thang kò. chhit-thô
kiâⁿ-lō͘ tio̍h sió-sim
32/2a10. Kī-chhoe kap lat-pah F 4/4
Pûn kī-chhoe pûn kī-chhoe goá beh lâi pûn kī-chhoe
Pûn kī-chhoe pûn kī-chhoe goá beh lâi pûn kī-chhoe
Kī-chhoe ê siaⁿ-im chin hiáng-liāng o͘ⁿ ēⁿ iⁿ ēⁿ o͘ⁿ
Kī-chhoe ê siaⁿ-im chin toā-siaⁿ o͘ⁿ ēⁿ iⁿ ēⁿ o͘ⁿ
Pûn lat-pah pûn lat-pah góa beh lâi pûn lat-pah
Pûn lat-pah pûn lat-pah góa beh lâi pûn lat-pah
Lat-pah ê siaⁿ-im chin hiáng-liāng tà tā ti ti tā
Lat-pah ê siaⁿ-im chin toā-siaⁿ tà tā ti ti tā
2a11. Sàu tho͘-kha C 4/4 *** (CD bô siu)***
Lâi sàu-tē lâi sàu-tē
ta̍k-ke chò-hóe lâi sàu-tē
Giâ sàu-chiú giâ tek-se hoaⁿ-hí beh sàu-tē
Lí sàu tho͘-kha góa chhit thang
jīn-chin kut-la̍t chiâu tín-tāng
Lâi sàu-tē lâi sàu-tē oē-seng koh khin-sang
33/2b12. O͘-bīn Lā-poe F 4/4
O͘-pî-lō͘ o͘-bīn Lā-poe
chhùi-pe píⁿ-píⁿ chhiūⁿ chûn-poe
Koâⁿ-thiⁿ poe lâi hái-po͘-tē
ki-ki kā-kā khioh hái-lê
Oàn-thàn sī-chāi chin chiâⁿ e̍h ki-ki kā-kā chin liân-hôe
34/2b13. A-bú ê ba̍k-chiu C 3/4
Súi-tang-tang a-bú ê ba̍k-chiu lāi
Chhiong-moá liáu chû-siông un-jîu ài ê kong-chhái
He tō-sī goán a-niâ tùi goán ê chû-ài
Chin-chiâⁿ súi chin-chiâⁿ súi bú-chhin-á ê ba̍k-chiu
Ká-ná chhin-chhiūⁿ thiⁿ-téng siám-sih ê hoé-kim-chheⁿ
Ū un-jîu ū chû-ài a-bú ê ba̍k-chiu
35/2b14. Lāu a-pô D 4/4
Lāu a-pô kin-nî peh-cha̍p-peh
Sin-thé kiān-khong chin chhù-bī ài kóng Tâi-oân-oē
I kóng Tâi-oân-lâng bē-hiáu Tâi-oân-oē
Kóng bē lián-tńg chin phái-sè Si̍t-chāi chin chhiò-khoe
Ta̍k-ke koáⁿ-kín lâi lâi kóng Tâi-oân-oē
36/2b15. Kim-hî D 4/4
Kim-hî kim-hî
siû lâi siû khì
sin-khu âng-âng bóe pit-chhe ba̍k-chiu toā-toā-lúi
Iô lâi iô khì se̍h lâi se̍h khì
tiàm tī hî-kng lāi
Chi̍t ji̍t kàu àm bô iu-chhiû siau-iâu koh chū-iû
37/2b16. Lâi sàn-pō͘ F 2/4
Lâi sàn-pō͘
nā sī ū-êng chò-hóe lâi sàn-pō͘
sàn-pō͘ chin chhù-bī
A-kong a-má a-pa ī--ā (a-i)
hiaⁿ-tī chí-moāi lóng lâi
lâi sàn-pō͘ ta̍k-ke lâi sàn-pō͘
38/2b17. Khòaⁿ nāu-jia̍t F 2/4
Tong tong chhiàng chhit tong chhiàng
Tong tong tong tong chhiàng tong chhiàng
Tong tong tong tong chhiàng tong chhiàng
Tong tong chhiàng tong tong chhiàng
Ta̍k-ke koáⁿ-kín lâi khoàⁿ nāu-jia̍t
Tong tong chhiàng chhit tong chhiàng
Lāng liông lāng sai chin nāu-jia̍t
Lāng liông lāng sai chin nāu-jia̍t
Koáⁿ-kín lâi koáⁿ-kín lâi
koáⁿ-kín chhut lâi khoàⁿ nāu-jia̍t
39/2b18. Kóng gâu-chá F 2/4
Thàu-chá tn̄g-tio̍h lâng tō kóng gâu-chá gâu-chá
Thàu-chá tn̄g-tio̍h lâng tō kóng gâu-chá gâu-chá
Ta̍k-ke lóng chin hoaⁿ-hí chhùi-á lóng chhiò-bī-bī
Thàu-chá tn̄g-tio̍h pêng-iú hoaⁿ-hí kóng gâu-chá
Pêng-iú lī-khui tō-ài kóng chài-hōe chài-hōe
Pêng-iú lī-khui tō-ài kóng chài-hōe chài-hōe
Ta̍k-ke lóng chin hoaⁿ-hí chhùi-á lóng chhiò-bī-bī
Pêng-iú lī-khui hoaⁿ-hí ta̍k-ke kóng chài-hōe
Lí nā hoaⁿ-hí lí tō kóng Hah-lī Hah-lī
Lí nā hoaⁿ-hí lí tō kóng Hah-lī Hah-lī
Ta̍k-ke chò-hóe chhiùⁿ-koa ta̍k-ke chò-hóe thiàu-bú
Ûi chi̍t ê îⁿ-kho͘-á hoaⁿ-hoaⁿ hí-hí kóng Hah-lī
40/2b19. Thàu-chá khí-lâi D 4/4
Thàu-chá khí-lâi--a koáⁿ-kín khì sé bīn
Chhēng saⁿ-khò. chiò-kiàⁿ phiau-phiat koh chéng-chê
lâi-khì tha̍k-chheh
Chún-pī nā hó-sè pa-pa kap ma-ma a-kong a-má
Ta̍k-ke chài-hōe
41/2b20. Pàng-o̍h koa F 4/4
Ji̍t-thâu í-keng kàu ji̍t-tiong-ng chheh-phāiⁿ-á khoán-khoán--leh beh lâi-khì tńg
Sió pêng-iú lāu-su chài-hōe--lah khoàⁿ-tio̍h pē-bú chhiò-ha-ha
42/2b21. Tōa châng chhiū D 4/4
Kong-hn̂g chi̍t châng toā châng-chhiū
chhiū-oe toā-kho͘ hio̍h chin-ōng
Chhiū-téng ū chin-chē chiáu-chiah ki-ki kā-kā háu bô-thêng
Chhiū-kha chin-chē sió pêng-iú
hoaⁿ-hí leh chhit-thô
43/2b22. Lí-hî-á F4/4
Chúi-tî-á lāi-bīn lí-hî-á chin-chē
siû lâi siû khì sek-chúi chin bí-lē
Goá lâi kā i chhī chia̍h-mi̍h sim-sek hoaⁿ-hí
hah hah ha-ha-chhiò
44/3a01. Thàu-chá tha̍k-chheh khì G 4/4
Thàu-chá tha̍k-chheh khì sim-chêng chin hoaⁿ-hí
Kiâⁿ-lō͘ kiâⁿ chiàⁿ-pêng lō͘--nih tio̍h sè-jī
Nā tn̄g-tio̍h si̍p-jī-lō͘ khoàⁿ hō͘ chheng chheⁿ-âng-teng
Sió-sim kiâⁿ-lō͘ ài chèng-keng
Âng-teng nā sih goá tō thêng chheⁿ-teng nā kng kiâⁿ chìn-chêng
Sóng-sóng-khoài-khoài tha̍k-chheh khì goá beh tha̍k-chheh khì
Chu-pau khoán hó-sè beh lâi-khì tha̍k-chheh
Sim-chêng chin khin-sang hāu-hn̂g chin bí-lē
Nā tn̄g-tio̍h sió pêng-iú kóng gâu-chá ia̍t-ia̍t-chhiú
Tn̄g-tio̍h lāu-su "sêng koh lî"
Ū lâng chá-tǹg iáu-bōe chia̍h ū lâng beh khoàⁿ ang-á-chheh
Tiām-tiām chū-siu mài kóng-oē chiah-sī hó chú-tē
45/3a02. Chhài-koe tāu-hū chham ho͘-chio F 4/4
Chhài-koe tāu-hū chham ho͘-chio
èng-chhài khī-koe ko-lê-chhài
Ma-ma liāu-lí chin chu-bī ta̍k-ke chia̍h liáu chhiò-bī-bī
Ō͘-á han-chî lóng hó-chia̍h
kú-chhài tho͘-tāu hoe-á-chhài
Pû-á liân-chí kap hoan-be̍h chia̍h-liáu phôe-hu iù-mī-mī
Chhì-koe koah-chhài âng-phôe-chhài
chhài-thâu khîn-chhài hô-liân-tāu
Hiuⁿ-ko͘ tāu-chhài âng-han-chî chia̍h-liáu kiān-khong pâi tē-it
46/3a03. Hoé-kim-ko͘ C 2/4
Sih--chi̍t-ê sih--chi̍t-ê hóe-kim-ko͘
chhân-hn̂g chháu-po͘ moá-moá-sī
Poe lâi poe khì poe bô-thêng
hoaⁿ-hoaⁿ hí-hí leh chhit-thô
Sih--chi̍t-ê sih--chi̍t-ê hóe-kim-ko͘
chhin-chhiūⁿ thiⁿ-téng ê thiⁿ-chhiⁿ
Sih--chi̍t-ê sih--chi̍t-ê hóe-kim-ko͘
toā-lō͘ chhân-hoāⁿ iāⁿ-iāⁿ-poe
Poe lâi poe khì poe bô-thêng
hoaⁿ-hoaⁿ hí-hí leh chhit-thô
Sih--chi̍t-ê sih--chi̍t-ê hóe-kim-ko͘
chhin-chhiūⁿ Goân-siau giâ hoe-teng
47/3a04. Chi̍t tīn chiáu-á C 4/4
Chi̍t tīn chiáu-á phu̍h-phu̍h-poe
poe lâi poe khì chiâⁿ hoaⁿ-hí
Chi̍t tīn chiáu-á phu̍h-phu̍h-poe
ki-ki kā-kā leh kóng-oē
Bô-iu bô-chhiû chin chū-iû
siau-iâu chū-chāi ha-ha-chhiò
Chi̍t tīn chiáu-á phu̍h-phu̍h-poe chū-iû-chū-chāi bô iu-chhiû
48/3a05. Lâi-khì Tâi-tiong C 6/8
Thiⁿ-khì chheng-hô lâi-khì chhit-thô
lâi-khì Tâi-tiong se̍h ke-lō͘
Lâng-kheh moá-moá-sī ke-lō͘ chin nāu-jia̍t
Chhia chin-chē that toā-lō͘
kui-khì kong-hn̂g-á lâi kò-chûn
Thiⁿ-khì chheng-hô lâi-khì Chiong-hoà
Pak-koà-soaⁿ téng khoàⁿ kong-kéng
Peh-soaⁿ chin chhù-bī thiaⁿ chiáu-á liām koa-si
Thàu-chá khì khong-khì chhiⁿ
Toā-hu̍t tī-hia ē pó-pì
49/3a06. Sǹg khoàⁿ māi C 4/4
Chi̍t nn̄g saⁿ sì gō͘ la̍k chhit peh káu cha̍p goá ē-hiáu
Chi̍t nn̄g saⁿ sì gō͘ la̍k chhit peh káu cha̍p goá ē-hiáu
It jī sam sù ngī lio̍k
chhit pat kiú si̍p goá ē-hiáu
It jī sam sù ngī lio̍k
chhit pat kiú si̍p goá ē-hiáu
50/3a07. A-lí-san G 4/4
Chē hóe-chhia nǹg pōng-khang beh lâi-khì A-lí-san
A-lí-san soaⁿ-téng chin-chiâⁿ hó chhit-thô
khong-khì chin chheng-khì
Hóe-chhia-bú phīⁿ-phēⁿ-chhoán í-keng kàu A-lí-san
Ū hit-lō chhiū-nâ ū hit-lō hûn-hái
eng-hoe súi-tang-tang
Kiâⁿ soaⁿ-lō͘ hó sàn-pō͘ Chí-moāi-tî kéng chin-súi
Mā-ū hit-lō phòng-chhí poe-chhí chiáu-chiah moá-moá-sī
Chē hóe-chhia nǹg pōng-khang beh lâi-khì A-lí-san
A-lí-san kong-kéng Tâi-oân tē-it
Sè-kài chin chhut-miâ
51/3a08. A-kong A-má D 4/4
Gún chhù--lih ū chi̍t ê khó-ài ê a-má
a-má múi ji̍t lóng ē kā gún sioh sioh sioh
Nā-ū hó chia̍h nā-ū hó sńg lóng ē the̍h hō͘ gún
Gún beh iú-hàu iú-hàu a-má pôe i chhit-thô
Gún tau ū chi̍t-ê khó-ài ê a-kong
a-kong sî-siông chhōa gún chhit-thô hó hó hó
Nā beh khì toeh nā beh tha̍k-chheh pu pu pu
Chē tiàm ki-chhia se̍h lâi se̍h khì chin khoài-lo̍k
52/3a09. Ba̍k-nī-hoe C 4/4
Ū chi̍t phō chin-súi ê ba̍k-nī-hoe ū chi̍t phō chin-súi ê ba̍k-nī-hoe
Chin-phang chin-pe̍h chin kī-chui siáⁿ-lâng-á khoàⁿ-tio̍h tō chin kah-ì
Chhiáⁿ ta̍k-ke lâi him-sióng khoàⁿ-māi (si̍t-chāi) ū-iáⁿ chin khó-ài
Ba̍k-nī-hoe--à ba̍k-nī-hoe
Ū chi̍t phō chin-súi ê ba̍k-nī-hoe ū chi̍t phō chin-súi ê ba̍k-nī-hoe
Chai-tī gún ê hoe-hn̂g-lāi í-keng khui kah nāu-chhai-chhai
Chhiáⁿ ta̍k-ke lâi him-sióng khoàⁿ-māi phang-kòng-kòng khì-bī bē-bái
Ba̍k-nī-hoe--à ba̍k-nī-hoe
Ū chi̍t phō chin-súi ê ba̍k-nī-hoe ū chi̍t phō chin-súi ê ba̍k-nī-hoe
hō͘ góa kā lí bán khí-lâi
chhah tī kheh-thiaⁿ ê hoe-kan-á lāi
Chhiáⁿ ta̍k-ke lâi him-sióng khoàⁿ-māi hoaⁿ-hí kah chhiò-hai-hai
Ba̍k-nī-hoe--à ba̍k-nī-hoe
53/3b10. Ma-ma goá ài lí D4/4
Ma-ma ma-ma goá ài lí
chú-pn̄g sé-saⁿ lóng-sī ma-ma lí
Hi-bāng gún ē kín toā-hàn choân-sim kā gún thiàⁿ
A-bú a-bú goá ài lí
sè-kan siōng-thiàⁿ--goá-ê tō-sī ma-ma lí
Goá beh jīn-chin lâi tha̍k-chheh toā-hàn iú-hàu lí
54/3b11. Chi̍t chiah chúi-ke chi̍t ki chhùi D4/4
Chi̍t chiah chúi-ke chi̍t ki chhùi nn̄g lúi ba̍k-chiu sì ki kha-thúi
Phu̍h-thong chi̍t siaⁿ thiàu lo̍h chúi
chúi-ke ē siû-chái sì-kha-hî
chúi-ke ē siû-chái sì-kha-hî
Chhut-la̍t thiàu chi̍t ē peh chiūⁿ hoāⁿ
chhut-la̍t thiàu chi̍t ē peh chiūⁿ hoāⁿ
Nn̄g chiah chúi-ke nn̄g ki chhùi sì lúi ba̍k-chiu peh ki kha-thúi
Phu̍h-thong phu̍h-thong thiàu lo̍h chúi
chúi-ke ē siû-chái sì-kha-hî
chúi-ke ē siû-chái sì-kha-hî
Chhut-la̍t thiàu chi̍t ē peh chiūⁿ hoāⁿ
chhut-la̍t thiàu chi̍t ē peh chiūⁿ hoāⁿ
Saⁿ chiah chúi-ke saⁿ ki chhùi la̍k lúi ba̍k-chiu cha̍p-jī ki kha-thúi
Phu̍h-thong phu̍h-thong phu̍h-thong thiàu lo̍h chúi
chúi-ke ē siû-chái sì-kha-hî
chúi-ke ē siû-chái sì-kha-hî
Chhut-la̍t thiàu chi̍t ē peh chiūⁿ hoāⁿ
chhut-la̍t thiàu chi̍t ē peh chiūⁿ hoāⁿ
Sì chiah chúi-ke sì ki chhùi peh lúi ba̍k-chiu cha̍p-la̍k ki kha-thúi
Phu̍h-thong phu̍h-thong phu̍h-thong phu̍h-thong thiàu lo̍h chúi
chúi-ke ē siû-chái sì-kha-hî
chúi-ke ē siû-chái sì-kha-hî
Chhut-la̍t thiàu chi̍t ē peh chiūⁿ hoāⁿ
chhut-la̍t thiàu chi̍t ē peh chiūⁿ hoāⁿ
55/3b12. Kóe-chí-á koa F4/4
On̂g-lâi si-koe pa̍t-á âng-khī
gêng-géng lián-bū iûⁿ-thô nāi-chi
Chin-chiâⁿ hó-chia̍h êng-ióng chu-bī
chin-chiâ hó-chia̍h chia̍h-tio̍h chhiò-bī-bī
On̂g-lâi si-koe pa̍t-á âng-khī
gêng-géng lián-bū iûⁿ-thô nāi-chi
Soāiⁿ-á sek-khia pî-pê phû-tô
iū-á bûn-tàn kam-á liú-teng
Chin-chiâⁿ hó-chia̍h êng-ióng chu-bī
chin-chiâⁿ hó-chia̍h chia̍h-tio̍h chhiò-bī-bī
Soāiⁿ-á sek-khia pî-pê phû-tô
iū-á bûn-tàn kam-á liú-teng
3b13. Pōe su-iâⁿ (Jiāng-gián) D4/4*** (CD bô siu)***
Ka-to choá lí-to kûn-thâu-bú chio̍h-thâu beh lâi tûi ka-to
Ka-to choá kûn-thâu-bú goá chhut chio̍h-thâu beh tûi ka-to
Kûn-thâu-bú lí-to ka-to choá pe̍h-choá beh lâi pau chio̍h-thâu
Kûn-thâu-bú ka-to choá goá chhut pe̍h-choá beh pau chio̍h-thâu
Choá chio̍h-thâu lí-to kap ka-to ka-to beh lâi pau pe̍h-choá
Chio̍h-thâu choá hām ka-to goá chhut ka-to beh ka choá
56/3b14. Gîn-kak-á phàng-kiàn--liàu D4/4
Goá ū chi̍t kâi gîn-kak-á phàng-kiàn--liàu goá ū chi̍t kâi gîn-kak-á phàng-kiàn--liàu
‹-chai siáⁿ-mih lâng ū khoàⁿ-kìⁿ khioh-tio̍h--liàu
Mâ-hoân pài-thok i hêng hō͘ goá hêng hō͘ goá
Gîn-kak-á phàng-kiàn--liàu phàng-kiàn--liàu
57/3b15. Bē tê D4/4
Lâi chia̍h-tê chhiáⁿ ji̍p-lâi chē
goá lâi phàu-tê chhiáⁿ lâng-kheh
Gún chia ū o͘-liông-tê Chhêng-peh-kheⁿ ê tiông-chheng-tê
Mā ū Bûn-san pau-chéng-tê sûi-chāi lâng-kheh ài siáⁿ-hoè
Sûi-chāi lâng-kheh chhì chia̍h khoàⁿ-māi hoaⁿ-hí chiah kā gún bé
58/3b16. Peh soaⁿ F4/4
Chi̍t pō͘ chi̍t pō͘ peh khí-khì
peh soaⁿ si̍t-chāi ū-iáⁿ chin chhù-bī
Chi̍t pō͘ chi̍t pō͘ peh khí-khì
hoaⁿ-hoaⁿ-hí-hí peh kah chhoán bē-lī
Hoaⁿ-hoaⁿ-hí-hí peh khí-khì
hoaⁿ-hoaⁿ-hí-hí chi̍t pō͘ chi̍t pō͘ peh khí-khì
Hoaⁿ-hoaⁿ-hí-hí chi̍t pō͘ chi̍t pō͘ peh khí-khì
peh soaⁿ si̍t-chāi chin chhù-bī
59/3b17. Chiah koh lâi chē F 6/8
Chiah koh lâi chē chiah koh lâi chē
Lí nā ū-êng chiah koh lâi lí nā ū-êng chiah koh lâi
Gún chin hoan-gêng chiah koh lâi-chē
Chhiáⁿ lí khoaⁿ-á-kiâⁿ chhiáⁿ lí khoaⁿ-á-kiâⁿ
Lí nā ū-êng chiah koh lâi lí nā ū-êng chiah koh lâi
Gún chin hoan-gêng chhiáⁿ lí khoaⁿ-á-kiâⁿ
60/3b18. Ông-lâi si-koe C 4/4
Ông-lâi gêng-géng chin hó chia̍h si-koe iâ-chí chí chhùi-ta
Chia̍h keng-chio kóng bô peh phôe si̍t-chāi sī ū-iáⁿ chin chhiò-khoe
Iûⁿ-thô lâi-á hó khì-bī iū-á kam-á kap nāi-chi
Chia̍h lián-bū kóng tio̍h siah phôe si̍t-chāi sī ū-iáⁿ chin chhiò-khoe
Soāiⁿ-á pa̍t-á hó chu-bī thô-á lí-á kap âng-khī
Chia̍h phû-tô kóng m̄ thò. chí si̍t-chāi sī ū-iáⁿ chin chhù-bī
61/3b19. Goá ū chi̍t ê hó pêng-iú D4/4
Goá ū chi̍t ê hó pêng-iú
múi ji̍t sio chio chhiú khan chhiú tàu-tīn liām koa-si
Lâng i chin phah-piàⁿ chin-chiâⁿ gâu tha̍k-chheh
tùi lâng ū lé-māu bē kóng pe̍h-chha̍t oē
Goá ū chi̍t ê hó pêng-iú
múi ji̍t sio chio chhiú khan chhiú chò-hoé khì tha̍k-chheh
Chhiáⁿ lâi chham-koan Kiâm-sng-tiⁿ Tâi-bûn kang-chok-sek : http://203.204.26.215/~taiwan/
蘇建鴻老師編曲 吳羽慧老師唱歌錄音 幫贊製作 非常感謝
蘇建鴻老師:
彰化縣員林國小生活教育組長／彰化縣國教輔導團健體輔導員
彰化縣教師國樂團團員／僑務委員會外派文化教師
吳羽慧老師:
彰化縣員林國小輔導組長／彰化縣國教輔導團台語輔導員／彰化縣台語種子教師
Tái-ôan Lô-má-jī Hia̍p-hōe
台灣羅馬字協會（社團法人）
Taiwanese Romanization Association
留言
張貼留言