讀5%台譯作品 化學品ê 玄機了後

 讀5%台譯作品「化學品ê 玄機」了後     蕭平治1996.1.2寫 1997.1.5完稿（保留原檔 有亂碼）

＃O-Ló ê 話：

少年人著是少年人，講beh做就隨時落去做，做kah是chiah - nih 有聲有影跡，三k¯ 月ê 籌備交換意見，著有法度成立大會；九k¯ 月ê 計劃kap工作，著有七本ê 台文翻譯作品出世，chia-ê 少年人實在會O-Ló--chit！恁是台灣人ê 向望，是台語文ê 先鋒，實行者。予阮真感心！

＃讀「化學品ê 玄機」ê 感動：

提著七本ê 新冊，代先看上細本ê Lí-á 王，才閣看「化學品ê 玄機」，為著beh 試驗家己ê 功力，先看白話字版，一看著真合意，雖講是外國故事，˜-kuh 內容句讀對答攏是正宗台語發聲，尤其是「化學品ê 玄機」chit 本閣卡予人入迷，誠sêng 發生t„ 咱兜ê 濁水溪抑是淡水河ê 故事咧！愈看愈心適，愈看愈感動，可憐ê 張文憲面對現實生活ê 落魄，閣愛做hit 款違背伊專業良心ê 工課，最後伊煞˜ 知beh 按怎才好，實在予人同情；可愛ê 少年情人，惠真kap良堅對愛ê 純情，使人欣羨，對著環保意識ê 堅持kap 大自然ê 愛心，閣卡予人欽佩o-ló ，著親像恁chit陣少年人，為著關心台灣文化，關心台文前途所做ê 決心kap 扑拼仝款。

看到惠真跋落水底，良堅拚命解救chit 段，真正予我緊張kah目箍紅紅，真驚伊惠真「好心予雷chim」來犧牲去，看kah 尾仔才予我喘一下大khùi，好佳哉，好好無t„ 代。為啥麼短短--a 一段故事，著會予人感動kah chiah-nih入心--neh ？總講一句，因為伊是台語發音--e，是咱ùi 細漢聽kah chit -mái，講kah chit -mái ê 語言，chiah 會予咱感覺chiah 直接、chiah 親切、chiah 貼心；有影--neh，實在有影有聽著In teh 笑、teh 哭、teh 歡喜、teh 傷心ê 講話對答--³ ！

＃參考ê 意見：

莊惠平兄ê 台語翻寫實在bë-bái，上會凍表達台語溫柔、關懷、輕聲細說kah 受氣、怨嘆、哀怨ê 口氣，攏表達kah足好勢--ê ，che 著是譯者對台語ê 深入研究kah 台文應用ê liú - liãh，無二步--七à 是無法度處理chiah 四是--ê ，另外對台語輕聲ê 處理kap 表達輕聲符號ê 應用，才是對台語聲韻做了最大ê 幫忙。下面就提出一寡無外成熟ê 意見kap 逐家做參考，向望前輩先覺多多指教。

（一）、白話字書寫ê 部份：

白話字書寫ê 方式應該kap 英語仝款，人名、地名、專有名詞、代名詞ê 第一字母攏著大寫，按呢卡有辨意ê 作用，對讀者來講嘛卡好讀。像：Lí、Góa、I、Lán、Lín、In。

人名：Bêng-tek，Lë-bí，Bûn-hiàn，按呢寫會使得；˜-koh 姓名：Löa，Bêng-tek。Chng，Lë-bí。Tiu°，Bûn-hiàn。按呢寫著bë-thong--a！第一、Löa、Chng、Tiu° ê 變調就˜ 著--a，閣講姓kah 名用「，」分開嘛無適當，是˜ 是按呢寫卡妥當？Löa Bêng-tek。Chng Lë-bí。Tiu° Bûn-hiàn。

（二）、感嘆號「！」ê 使用：

「！」chit-ê 符號會當表達心情、口氣，而且會當kä 你提醒輕聲出現ê 時機，著唸本調˜ 免變調；發語詞，呼叫人名，怨嘆吐大khùi，輕聲細說，攏真好用。像：[p4~3]「Tiõh！tiõh！tiõh！Góa siü° tiõh à ！tö-s„ hit ê G² S±-giõk！」[p27~5]「Lí--khòa° ！Lí--khòa° ！」「Oh！Bûn-hiàn！」「Ah！Lí siá siá° ？」按呢寫是˜ 是會卡好表達，對音韻ê 變化嘛卡bë 花去。

（三）、發語詞ê 書寫：

台語常用ê 發語詞有「Ah！Heh° -˜！Hioh！¬h！Hâ° ！Hâ° -á ！Ta° -á！...」其他猶有各人家己ê 「話母」，chia-ê 發語詞「話母」若表達有好勢，對人物ê 個性、表情、氣質ê 描寫，代誌演變ê 刺激過程，攏會當幫助做真súi -khùi ê 交代，予文章活潑生出生命。像「±，tong-jian5改做¬h ！tong-jiân！」「H˜ …tiõh--oh！改做Hmh！…tiõh --± ！」「± ，góa-chai 改做¬h！Góa chai！」了後，是˜ 是予人感覺卡有活潑性。發語詞「話母」是表達一ê 人講話ê 口氣，伊ê 發聲應該是無定音，上好用羅馬字來書寫，卡bë 受漢字ê 束縛。

（四）、輕聲ê 表達kap 適合時機：

（輕聲實在並無輕ê 感覺，所以有人無同意chit 種講法）

輕聲t„ 書面語會用一ê 符號來表達，t„ TBTS kah TBBP 是最近一年內才出現ê 代誌，真歡喜t„ 「化學品ê 玄機」chit 本冊內會當看著伊ê 應用，用kah hiah-nih sù-s„ ，使得kui-ê 故事會得活跳--khit-lâi，可見譯者ê 厲害，˜ 知是拍字ê 關係抑是其他ê 原因，有一寡部份處理了無啥好勢，為著beh 追求閣卡深入ê 探討，t„-chia 無惜家己ê 淺學，提出個人ê 看法kah 逐家做參考：

輕聲分兩種，一種是固定輕聲，發音sêng 第三調；一種是隨前變調輕聲，發音有第一聲、第三聲、第七聲、三調ê 變化。Beh 按怎分別？若是固定輕聲咱攏標第三調；若是隨前變調，咱攏標本調，按怎變調隨讀者來變。

下面是ùi 白話字版內底sa 出來ê 例：

ná sin--ê！[e ] chin--ê ± ！[e]Tek--ê ！[è ] siàu-liân--ê！[ë ]kan-kh¬ --ê ！[è ]gûi -hiám--ê ！ [è ]chì° --ê ê hî ，[è ]hoat-tián--ê ，[è ]（的）

tiõh --a！[ä. à ] s„ --a！[ä ] Pâ--a！[ä. à ] Lân--a！[ä. à ] Tin--a！[a. à ] Hûn --a！[ä. à ]（也）

Aih--ah！[唉呀!] ôan --a！[完了!] se° --chhut-lâi-a！[生出來了!] [kang-tiû° göa--leh？[工場外 呢 ?] kia° -chhé° --lâng！[驚醒別人] t¡g --lâi！[回來!]

bë -khùn --tit！[睡不著 !不能睡] bak --tiõh！[沾到了] khòa° --I！[看他] kiâ° --chhut-khì ！[走 了出來] hô--nih！[河裡] ˜ -s„--leh！[不 是啦!] se° -kiá° --l± ！[生孩子囉!] 

chin su-iàu --h¬h° ？[很需要是嗎?] pài-it ë -sáI --bô ？[b± 星期一可以嗎 ?] hó --bô ？[b± 好嗎?] kám-˜-s„ --leh ？[難道不是?] chhì-khek--neh ？[刺激喔?]

chit 款ê 書寫是˜ 是有法度達到「原音重現」ê 境界。？

（五）、仔[á ]、也[a] kap人名ê 關係：

台灣人稱呼別人呼hiàm 人名，常常有尾音，˜ 是á [仔] 著是a、à 、ä [也]，若是尾音是á [仔]，chit-ê 人˜ 是得人疼ê 序細、囡仔，就是受人輕視ê 長輩抑是好友ê 滾笑呼叫。你若是尊重人ê 人格，閣beh 表示你ê 親切關心，一定˜-thang 用á [仔]。請看下面ê 舉例，叨一種ê 稱呼卡適當--neh？

Tek-á！ [德仔！] Lân-á！ [蘭仔！] Tin-á！ [珍仔！] Lë-bí-á！ [麗美仔！] Pa-á！ [爸仔！]

Tek--à ！[德也！] Lân--ä ！[蘭也！] Tin--a！[珍也！] Lë-bí--à ！[麗美也！]Pâ --ä ！[爸也！]

（六）、討論幾句台灣話ê 用法：

[p2~13] lóng 愛請khah少年--ê 。＞是chhià° [倩 ]˜ 是請[chhiá° ]。

[p31~1] 文憲驚一tiô ，tùi 德--à gîn 講：「你講siá° ？」＞gîn 是用白目kä 人看，著是學生囡仔講ê 『他用白白的眼睛給我看』chit -ê 意思，用「gîn」來表達感情應該是查某人ê 權利，查甫人kä 人「gîn」落去，實在無適當。

[p38~10] koh kä 麗美ê 手thçh 到 I ê 手心。＞對查某囡仔表示愛慕關心，愛用牽手抑是g„m 手卡有疼惜ê 感覺，thçh 是teh thçh 物件，手是bë 使得用thçh --ê 。

[p54~6] 文憲體貼tah 麗美ê 手骨，＞體貼ê 動作是bong 頭殼，so頭殼，tah 肩頭，g„m 手，˜-bat 聽人講tah 手骨。

[47~8] 良堅講：「丈人pâ --a！我ë tiä° -tiä° 記得eng-àm，……丈人你是好額人，＞丈人是第三人稱，囝婿bë 使得直接叫「丈人，丈人pâ --a！」應該愛tòe 牽手叫，叫「Pâ--a！A-pa！A-tia！Pa-pa！」

[62~2] giâ 一塊白色ê 布條，＞一塊--niâ ，用ni，thçh 就會使得，˜ 免用「giâ 」--ê 。

[65~7] 用死gín-á-the ê hong-sek＞是死gín -á -the° ，˜ 是死囡仔胎。

[68~3] 用手moa 惠真，h³ I 維持體溫，＞beh 維持體溫愛用m¬h° --ê ，[抱的] ˜ 是用moa--ê 。

以上提出chit八句ê 見解，˜ 敢講絕對正確，各地方音腔口無仝，用詞嘛精差真濟，只是個人ê 看法而已，有˜ 著ê 所在請批評指教。

＃對台文文法建立ê 期待：

台文（台語文字化）推sak ê 工作，chit 五年來真正進步神速，各種書面語ê 台文作品愈來愈濟，實在有需要一套完整ê 「台文文法」，來引chhöa 台文作者寫作ê 技術指導，若無，慣習寫華文ê 多數作者，濟少攏會予華文文法牽去洗手，按呢寫出來ê 作品，猶閣著讀者來翻譯囉！老台語ê 人猶無要緊，若是少年台灣，著˜ 敢保證In 唸--ê 是「正宗台語發聲」。

「台文文法」本chia° 著存在t„ 咱ê 台語中，需要咱ê 語言學家來發現，然後制訂一套書寫ê 符號，除了白話字以外，上好對標點符號嘛kä 規定一下，台語聲韻誠súi，規則可能卡複雜，為著保留咱chiah -súi ê 台語文化，歹學嘛著學，學得精明，˜-chiah有法度「我手寫我嘴，我嘴講我心。」到hit-ê 時陣，台語文學無成做台灣文學ê 主流嘛bë 煞得。

個人頇顢，才疏學淺，讀冊無濟，好佳哉chit 幾年仔有卡用心，讀一寡仔台語聲韻ê 冊，加上一生五十外冬攏是tòa -t„ 田中chit-ê 庄腳所在，是一位老台灣，雖然˜ 是誠gâu 講話，嘛是一位老台語，家己創作有卡飯桶，巡人話尾，加減猶hôan-ná 看會出叨位無tàu-tah，叨位無四是，為著beh 予咱ê 台文會當出頭天，成做社會上ê 通行文字，才會勇敢˜ 驚見笑提出個人ê 見解，上大ê 向望著是拜託語言學者專家會看重chit-ê 工課。 ###1997.1.5 完稿