行參
行參 ---- 囡仔耍： 20200422 Lahjih 行參，阮講 kiâⁿ-som ，有人講 kiâⁿ-sam ， mā 有人講 行直，台日字典有收 行直。 這是一種激頭腦拚腦智 ê 囡仔耍， ē 使得桌頂 ī ， mā ē 使得塗跤耍，兩人對 ī ， ná 像行棋，窮實大人、查某人、老歲仔人來耍 mā 真趣味，逐日行 -- 幾盤 à 增年益壽食百二。 行參 規則： 一、畫「行參」棋盤；準備兩方棋子 12+6 子（ jí ）分烏白兩爿，石頭仔、短節竹笒仔、樹仔枝 lóng ē 使得。 二、行參棋盤有橫巡、直巡、斜巡分別。 三、食子排列款式： ●●●/○○○ 號做 som （參）； ○●○/●○● 號做 taⁿ （擔）； ●●○/○○● 號做 thoa （拖）； ○●+○/●○+● 號做 kòng （摃）。 四、食子機會： 1. 佇橫巡、直巡、斜巡：「 som 」會使食對方 1 子。 2. 限佇橫巡：「 taⁿ 」會使食對方 2 子。 ○●○ 烏擔白； ●○● 白擔烏。 3. 限佇斜巡：「 thoa 」會使食對方 2 子。 ●●○ 白拖烏； ○○● 烏拖白。 4. 限佇橫巡：「 kòng 」會使食對方 1 子。 ○●+○ 白摃烏； ●○+● 烏摃白。 五、佈局： 1. Pōe 輸贏（じゃんけん）決定誰先 hē-jí （下子）。 烏白子輪流 hē 子， hē 到棋盤無位 hē 子， chiah 進入第二階段實戰。 2. Tn̄g-tio̍h 予人「 som 」予人「 taⁿ 」予人「 thoa 」予人「 kòng 」 ê 子仔，暫時用子仔 kā 硩 --leh 做記號，聽候實戰進前 chiah 提掉。 六、實戰： 下子（ hē-jí ）停止，行棋開始。食 jí 一定喝聲 chiah 準算， hông 食掉 ê 子隨提掉。 1. 烏子 3 子一排喝「 som 」，食 白子 1 子；白子 3 子一排喝「 som 」，食 烏子 1 子。 2. 烏子擔白子喝「 taⁿ 」，食 白子 2 子；白子擔烏子喝「 taⁿ 」，食 烏子 2 子。 3. 烏子拖
