行參

 行參----囡仔耍：           20200422        Lahjih

行參，阮講kiâⁿ-som，有人講kiâⁿ-sam，mā有人講 行直，台日字典有收 行直。

這是一種激頭腦拚腦智ê囡仔耍，ē使得桌頂ī，mā ē使得塗跤耍，兩人對ī，ná像行棋，窮實大人、查某人、老歲仔人來耍mā真趣味，逐日行--幾盤à 增年益壽食百二。

行參 規則：

一、畫「行參」棋盤；準備兩方棋子12+6子（jí）分烏白兩爿，石頭仔、短節竹笒仔、樹仔枝lóng ē使得。

二、行參棋盤有橫巡、直巡、斜巡分別。

三、食子排列款式：●●●/○○○號做som（參）；○●○/●○●號做taⁿ（擔）；●●○/○○●號做thoa（拖）；○●+○/●○+●號做kòng（摃）。

四、食子機會：

        1. 佇橫巡、直巡、斜巡：「som」會使食對方1子。

        2. 限佇橫巡：「taⁿ」會使食對方2子。○●○烏擔白；●○●白擔烏。

        3. 限佇斜巡：「thoa」會使食對方2子。●●○白拖烏；○○●烏拖白。

        4. 限佇橫巡：「kòng」會使食對方1子。○●+○白摃烏；●○+●烏摃白。

五、佈局：

        1. Pōe輸贏（じゃんけん）決定誰先hē-jí（下子）。烏白子輪流hē子，hē到棋盤無位hē子，chiah進入第二階段實戰。

        2. Tn̄g-tio̍h予人「som」予人「taⁿ」予人「thoa」予人「kòng」ê子仔，暫時用子仔kā硩--leh做記號，聽候實戰進前chiah提掉。

六、實戰：

下子（hē-jí）停止，行棋開始。食jí一定喝聲chiah準算，hông食掉ê子隨提掉。

        1. 烏子3子一排喝「som」，食 白子1子；白子3子一排喝「som」，食 烏子1子。

        2. 烏子擔白子喝「taⁿ」，食 白子2子；白子擔烏子喝「taⁿ」，食 烏子2子。

        3. 烏子拖兩子白子，喝「thoa」，食 白子2子；白子拖兩子烏子，喝「thoa」，食 烏子2子。

        4. 烏子摃白子，喝「kòng」，食 白子1子；白子摃烏子，喝「kòng」，食 烏子1子。

        5. 行到一方認輸抑是chhun兩子，結束棋局。閣再ī抑是換人耍。

㊣佈局比實戰較重要，佈局排步若贏，實戰tō輕鬆。有人真gâu佈局實戰，1子子仔，行--過來「som」，行--過去 mā「som」，號做īⁿ-oaiⁿ-som。行著īⁿ-oaiⁿ-som，穩贏--ê。

▲進階版：增加橫巡ē使得「taⁿ」ē使得「thoa」ē使得「kòng」。

▲再進階版：再增加直巡ē使得「taⁿ」ē使得「thoa」ē使得「kòng」。

【進階版較複雜，無一定ē增加心適趣味。】

        1. 佇橫巡、直巡、斜巡：●●●烏子三子排1排喝「som」會使食白子1子；○○○白子三子排1排喝「som」會使食烏子1子。

        2. 限佇橫巡：○●○烏子hē tī兩子白子中央喝「taⁿ」會使食白子2子；●○●白子hē tī兩子烏子中央喝「taⁿ」會使食烏子2子。

        3. 限佇斜巡：○○●烏子hē tī兩子白子邊--a喝「thoa」會使食白子2子；●●○白子hē tī兩子烏子邊--a喝「thoa」會使食烏子2子。

        4. 限佇橫巡：●○+●烏子hē tī烏白兩子邊--a形成●○●喝「kòng」會使食白子1子；○●+○白子hē tī白烏兩子邊--a形成○●○喝「kòng」會使食烏子1子。

三、佈局：

        1. Pōe輸贏（じゃんけん）決定誰先hē-jí（下子）。烏白子輪流hē子，hē到棋盤無位hē子，chiah進入第二階段實戰。

        2. Tn̄g-tio̍h hō͘人「擔」hō͘人「拖」hō͘人「摃」ê子仔，暫時用子仔kā硩--leh做記號，聽候實戰進前chiah提掉。

四、實戰：下子（hē-jí）停止，行jí開始，

        1. 烏子一排喝「som」，食白子1子；白子一排喝「som」，食--烏子1子；烏子擔白子喝「taⁿ」食白子2子；白子擔烏子喝「taⁿ」食烏子2子。

        2. 烏子拖兩子白子hoah「thoa」，食白子2子；白子拖兩子烏子hoah「thoa」，食烏子2子。

        3. 烏子摃白子hoah「kòng」，食白子1子；白子摃烏子hoah「kòng」，食烏子1子。

有人真gâu佈局實戰，1子子仔，行--過來「som」，行--過去 mā「som」，號做īⁿ-oaiⁿ-som。行著īⁿ-oaiⁿ-som，穩贏--ê。

圖片示意：

①橫巡3子「som」

②斜巡3子「som」

③中央閣hē 1子tō是「som」抑是「擔」

④邊--a閣hē 1子tō是「som」抑是「拖」

佈局比實戰較重要，佈局排步若贏，實戰tō輕鬆。

二、佈局：你我輪流hē子，hē到棋盤無位hē子，chiah進入第二階段實戰。

        Tn̄g-tio̍h hō͘人「擔」hō͘人「拖」ê子仔，對方ē用子仔kā你硩--leh做記  號，聽候實戰進前chiah提掉。

三、實戰：Hē子停止，行jí開始，用家己ê子家己「som」，食你1子；用家己     ê子「擔」對方ê子，「擔」1擺食2子；用家己ê子「拖」對方ê子，    「拖」1擺食2子。

        有人真gâu佈局實戰，1子子仔，行--過來「som」，行--過去 mā「som」，       號做īⁿ-oaiⁿ-som。

圖片示意：

①橫巡3子「som」

②斜巡3子「som」

③中央閣hē 1子tō是「som」抑是「擔」

④邊--a閣hē 1子tō是「som」抑是「拖」

佈局比實戰較重要，佈局排步若贏，實戰tō輕鬆。

 

白子烏子som 擔拖摃

較早生活艱難，錢水缺乏（khoat-hoa̍t），無錢thang買棋盤，庄跤囡仔chiok-ài「行三」，chhìn-chhái提石頭仔tiàm塗跤畫棋盤，隨人at竹笒仔(tek-gím-á)抑是khioh石頭米仔做jí-á（子仔）tō ē使得行，一擺兩人耍，囡仔伴互相輪流ī。

行三 規則：

一、食jí方式：我ê子若3子直線排1排叫做「som」，tō ē-tàng食你1-jí，直巡橫巡斜巡lóng算是；我ê子已經直線囥2子，紲落去換你囥1子變成「som」，按呢你ē使得食我2-jí，你ê子tī中央號做「擔」，你ê子tī邊--a號做「拖」。